ជាតិ
ថ្ងៃសម្រាកទី៣ ភ្ញៀវទេសចរ ៤ពាន់នាក់ ទៅកម្សាន្តនៅប្រាសាទព្រះវិហារ
× ភ្នំពេញ៖ ថ្ងៃទី៣ នៃថ្ងៃឈប់សម្រាកជំនួសចូលឆ្នាំ ភ្ញៀវទេសចរជាតិ និងអន្តរជាតិ ចំនួន ៤០០០នាក់ បានមកកម្សាន្តនៅប្រាសាទព្រះវិហារ។ បើតាមហ្វេសប៊ុកមន្ទីរទេសចរណ៍ខេត្តព្រះវិហារ ថ្ងៃទី២ ប្រាសាទព្រះវិហារ ទទួលបានភ្ញៀវទេសចរត្រឹម ៣២៥៤នាក់ប៉ុណ្ណោះ។
ស្ថិតនៅភាគខាងជើងនៃប្រទេសកម្ពុជា ប្រាសាទព្រះវិហារ ជាទីទេសចរណ៍បែបវប្បធម៌ និងប្រវត្តិសាស្ត្រដ៏ពេញនិយមសម្រាប់ភ្ញៀវទេសចរ។ ប្រាង្គប្រាសាទដែលជាសម្បត្តិបេតិកភណ្ឌពិភពលោកនេះ បានអន្ទងចិត្តភ្ញៀវទេសចរឲ្យទៅទស្សនាកម្សាន្តយ៉ាងច្រើនកុះករ។ បើតាមមន្ទីរទេសចរណ៍ខេត្តព្រះវិហារ នៅថ្ងៃទី១៩ សីហា ប្រាសាទព្រះវិហារ ទទួលបានភ្ញៀវទេសចរជាតិ ៣៩៧០នាក់ និងអន្តរជាតិ ចំនួន ៣១នាក់។
តាមរយៈកំណើនភ្ញៀវទេសចរមកកម្សាន្តច្រើនបែបនេះ មន្ទីរទេសចរណ៍ខេត្តព្រះវិហារ ក៏បានបន្តក្រើនរំឭកដល់ភ្ញៀវទេសចរទាំងអស់ ថែរក្សាអនាម័យ ពាក់ម៉ាស់ ឬប្រើក្រមាឲ្យបានជាប់ជាប្រចាំ ដើម្បីការពារជំងឺកូវីដ-១៩៕
រូបភាពពីមន្ទីរទេសចរណ៍ខេត្តព្រះវិហារ
រូបភាពពីមន្ទីរទេសចរណ៍ខេត្តព្រះវិហារ
រូបភាពពីមន្ទីរទេសចរណ៍ខេត្តព្រះវិហារ
© រក្សាសិទ្ធិដោយ thmeythmey.com