តារាភាពយន្ត​ហ្វីលីពីន ម៉ា​រី​ម៉ា សុំទោស​អ្នកគាំទ្រ​កម្ពុជា ក្រោយ​បង្ហោះ​រូប​នៅ​អង្គរវត្ត តែ​សរសេរថា​នៅ​ថៃ​
ជាតិ
សិល្បះ
សិល្បៈអន្តរជាតិ
តារាភាពយន្ត​ហ្វីលីពីន ម៉ា​រី​ម៉ា សុំទោស​អ្នកគាំទ្រ​កម្ពុជា ក្រោយ​បង្ហោះ​រូប​នៅ​អង្គរវត្ត តែ​សរសេរថា​នៅ​ថៃ​
20, Aug 2020 , 5:46 pm        
រូបភាព
ដោយ: ថ្មីៗ
​នាង Marian Rivera តារាភាពយន្ត​ហ្វីលីពីន ដែល​ប្រជាជន​ខ្មែរ​ស្គាល់​ថា ម៉ា​រី​ម៉ា បាន​សុំទោស​អ្នកគាំទ្រ​កម្ពុជា ក្រោយ​នាង ក្រោយ​បង្ហោះ​រូប​នៅ​ប្រាសាទអង្គរវត្ត តែ​សរសេរថា​«When in Thailand» ទៅវិញ​។ ជាមួយនឹង​ការសុំ​ង​ភ័យ​ទោស នាង ក៏​កែតម្រូវ​សំណេរ​របស់ខ្លួន​អម​នឹង​រូបថត​នោះ​ថា «Cambodia»​វិញ​។

 
 
​តារាភាពយន្ត​ហ្វីលីពីន នាង Marian Rivera ឬ​ប្រជាជន​ខ្មែរ​ស្គាល់​ថា ម៉ា​រី​ម៉ា នៅ​ថ្ងៃទី​២០ សីហា​នេះ បាន​បង្ហោះ​រូបថត​មួយ​សន្លឹក​ដែល​នាង​ថត​ជាមួយ​ស្វាមី នៅ​ប្រាសាទអង្គរវត្ត ប៉ុន្តែ​នាង​បែរជា​សរសេរថា នៅ​ប្រទេស​ថៃ​ទៅវិញ​។ នាង Marian Rivera បាន​សរស​រថា «When in Thailand» ។ 
 
​ជា​រូបថត​ដែល នាង Marian ស្លៀក​រ៉ូ​ប​វាល​ក្លៀក​ពណ៌​សលាយ​រូប​សត្វ ហើយ​ស្វាមី​នាង ក៏​ពាក់អាវ​ដៃ​វាល​ដូចគ្នា ព្រមទាំង​មាន​រូប​ទង់ជាតិ​កម្ពុជា​ជាមួយនឹង​ពាក្យ CAMBODIA​នៅ​ពីក្រោម បិទបាំង​ដោយ​ក្រមា​ក្រឡា​ល្អិត​ពណ៌​សលាយ​ខៀវ​ដែល​គេ​បង់ក​ផង​។ 
 


រូបភាពដែល នាង Marian Rivera បង្ហោះមុនកែតម្រូវ


ក្រោយ​ទទួលបាន​ការរិះគន់ កែតម្រូវ​យ៉ាងច្រើន ពី​អ្នកប្រើប្រាស់​បណ្តាញ​សង្គម​ហ្វេ​ស​ប៊ុ​កនៅ​កម្ពុជា តារាភាពយន្ត​រូបនេះ បាន​លុប​រូបនេះ​ចេញពី​ទំព័រ​ហ្វេ​ស​ប៊ុ​ក​។ ប៉ុន្តែ​មិន​ប៉ុន្មាន​នាទី​ផង នាង Marian Rivera បាន​បង្ហោះ​រូប​ដដែល​នេះ​ម្តងទៀត ជាមួយ​កំហុស​ដូចដើម គឺ​នាង​នៅតែ​សរស​រថា «When in Thailand» ដដែល​។ ក្រោយមក​ទើប​នាង​កែតម្រូវ​សំណេរ​មក​សរសេរថា​« Cambodia » ជាមួយនឹង​ការសុំ​អភ័យទោស​ពី​អ្នកគាំទ្រ​កម្ពុជា ចំពោះ​កំហុស​របស់ខ្លួន នៅក្នុង​ប្រអប់​យោបល់​ផងដែរ​៕
 
 
 
 

© រក្សាសិទ្ធិដោយ thmeythmey.com