ជាតិ
សុខភាព
×![]()
ភ្នំពេញ៖ រួមភេទអំឡុងពេលពពោះ និងក្រោយពេលសម្រាល ជាមន្ទិលសង្ស័យរបស់បុរសនិងស្ត្រីជាច្រើន។ តើការរួមភេទអំឡុងពពោះ ប៉ះពាល់ដល់សុខភាពស្ត្រី និងទារកក្នុងផ្ទៃឬទេ ហើយក្រោយសម្រាលរយៈពេលប៉ុន្មានទើបស្ត្រីអាចរួមភេទបាន?
ដើម្បីជ្រាបច្បាស់សូមអញ្ជើញលោក-អ្នកនាងទស្សនាបទសម្ភាសរវាងកញ្ញា អ៊ុត រស្មី អ្នកសារព័ត៌មានថ្មីៗ ជាមួយសាស្ត្រាចារ្យវេជ្ជបណ្ឌិត ប៉ិច សុធី ប្រធានមន្ទីរពហុព្យាបាលសម្ភពសោភាមានជ័យ ដូចទៅ៖
លោកវេជ្ជបណ្ឌិត ប៉ិច សុធី បានលើកឡើងថា អំឡុងមានផ្ទៃពោះស្ត្រីអាចរួមភេទបានធម្មតា ប៉ុន្តែកុំញឹកញាប់ពេក ពោលគឺអាច១សប្ដាហ៍ឬ ២-៣សប្ដាហ៍ម្ដង។ ប៉ុន្តែ បើស្ត្រីធ្លាប់រលូតកូន ឬកូនកើតមិនគ្រប់ខែ ស្ត្រីគួរចៀសវាងព្រោះនៅពេលស្ត្រីរួមភេទ វានឹងជំរុញឱ្យស្បូនកន្ត្រាក់ អាចប្រឈមនឹងការរលូត ឬកើតកូនមិនគ្រប់ខែ។
រីឯ ក្រោយពេលសម្រាលកូនរួច ស្ត្រីអាចរួមភេទបានក្រោយរយៈពេល៦សប្ដាហ៍។ បើតាមប្រធានមន្ទីរពហុព្យាបាលសម្ភពសោភាមានជ័យ ប្រសិនបើ ស្ត្រីរួមភេទមុនរយៈពេល៦សប្ដាហ៍ ឬឆាប់ពេក នឹងធ្វើឱ្យស្ត្រីឈឺលើថ្នេរ និងឆាប់មានកូនម្តងទៀត ដោយសារមិនបានត្រៀមលក្ខណៈគ្រប់គ្រាន់ក្នុងការពន្យារកំណើត។ ជាពិសេស ក្នុងករណីថ្នេរបស់ស្ត្រីមិនទាន់សះនឹងរហបួស វានឹងនាំមេរោគពីក្រោមចូលដល់ក្នុងស្បូន អាចបង្កជាជំងឺរលាកថ្នេរស្បូន និងរលាកដៃស្បូនជាដើម៕
Tag:
ពោះធំ
សម្រាល
រួមភេទ
សុខភាព
© រក្សាសិទ្ធិដោយ thmeythmey.com
