យោងតាមរបាយការណ៍បឋមរបស់មន្ទីរទេសចរណ៍រាជធានី-ខេត្ត សៀមរាបនៅតែជាគោលដៅទេសចរលំដាប់ទី១នៅកម្ពុជា ដែលបានទទួលលំហូរទេសចរជាង ២១ម៉ឺននាក់។ កំពត ស្ថិតនៅលេខរៀងទី ដែលមានទេសចរជាង១៨ម៉ឺននាក់ តាមពីក្រោយដោយខេត្តកែបដែលនៅក្បែរគ្នាជាមួយនឹងចំនួនទេសចរជាង១៤ម៉ឺននាក់។ ចំណែកបាត់ដំបង មានអ្នកទៅកម្សាន្តជាង១៣ម៉ឺននាក់ ខណៈខេត្តព្រះសីហនុ មានទេសចរជាង១១ម៉ឺននាក់។
 

ក្រៅពីខេត្តទាំង៥នេះ បណ្ដាខេត្តនៅភាគឦសានប្រទេស ក៏មានអ្នកដើរលេងច្រើនដែរ ក្នុងនោះមណ្ឌលគិរី ទទួលទេសចរបានជាង៤ម៉ឺននាក់ ខណៈរតនគិរី មានជាង៥ម៉ឺននាក់។  ឯខេត្តឆ្ងាយៗពីរាជធានីភ្នំពេញ ដូចជាបន្ទាយមានជ័យមានជាង២ម៉ឺននាក់,ឧត្តរមានជ័យមានជាង១ម៉ឺននាក់,ប៉ៃលិនមានជាង២ម៉ឺននាក់,ព្រះវិហារមានជាង៦ម៉ឺននាក់។ ដោយឡែកខេត្តស្វាយរៀង មានអ្នកដើរលេងតិចជាងគេ គឺតែជាង៤ពាន់ប៉ុណ្ណោះ៕