សៀមរាប៖ អស់រយៈពេលប្រមាណ២០ឆ្នាំមកហើយ ដែលគ្រួសារអ្នកស្រី ហ៊ើយ ចាប់យករបរដើរចាប់មេអំបៅ ដើម្បីលក់តាមហាង ឬភោជនីយដ្ឋានក្នុងក្រុងសៀមរាប។ ជារៀងរាល់ថ្ងៃ អ្នកស្រី ហ៊ើយ រ៉ា និងកូនៗត្រូវចែកគោលដៅគ្នា ដើម្បីតាមចាប់មេអំបៅ ដែលពេលខ្លះនៅជិះផ្ទះដែលស្ថិតនៅភូមិវាល សង្កាត់គោកចក ក្រុងសៀមរាប ហើយពេលពេលខ្លះ ត្រូវជិះកង់ទៅឆ្ងាយពីផ្ទះ។

«ចាប់ក្នុងព្រៃខាងកើតអង្គរ ជួនកាលពេលខែអត់(រដូវប្រាំង) ទៅរកនៅជិតភ្នំបាខែង។ ជិះកង់ឌុបកូនទៅហើយ ដល់ខែវស្សាមេអំបៅសម្បូរ ចាប់ជិតផ្ទះទៅ»។ នេះជាការលើកឡើងរបស់អ្នកស្រី រ៉ា ដែលបន្តថា ការលក់គឺគេគិតជាកន្ដ្រក ដែលមួយកន្ត្រក អ្នកស្រីអាចលក់បាន ២ម៉ឺនរៀល។