ពីនេះ ពីនោះ
សុខភាព
កុំទាន់បោះចោល! “សំបកដំឡូងបារាំង” អាចផ្ដល់ផលល្អៗទាំងនេះចំពោះសម្រស់
×![]()
ដោយ: សារព័ត៌មានថ្មីៗ
ភាគច្រើននៃពួកយើងសុទ្ធតែស្គាល់ដំឡូងបារាំងនិងដឹងពីអត្ថប្រយោជន៍ដ៏ប្រសើររបស់អាហារមើមនេះចំពោះសុខភាព។ ប៉ុន្តែទោះបីជាឧស្សាហ៍ទទួលទានញឹកញាប់ប៉ុណ្ណាក៏ដោយ ក៏ប្រហែលជាមិនធ្លាប់ចាប់អារម្មណ៍ពីផលល្អនៃសំបកដំឡូងបារាំងចំពោះសក់និងស្បែកឡើយ។ ខាងក្រោមវេបសាយសុខភាព Health.com.kh នឹងបង្ហាញឱ្យដឹងពីរបៀបប្រើប្រាស់សំបកដំឡូងបារាំងពង្រឹងសក់ ហើយធ្វើឱ្យស្បែកសស្អាតជាងមុន ៖
១. សម្រាប់ស្បែកកាន់តែសជាងមុន
អ្វីដែលអ្នកត្រូវធ្វើ គឺគ្រាន់តែចិតសំបកដំឡូងបារាំងសិន បន្ទាប់មកដុសផ្នែកខាងក្នុងនៃសំបកដំឡូងបារាំងលើស្បែក។ ត្រូវប្រាកដថាសំបកដំឡូងនៅស្រស់មានជាតិសំណើម។ អ្នកអាចបន្ថែមទឹកក្រូចឆ្មារបន្តិចលើសំបកដំឡូងបារាំងដើម្បីទទួលបានលទ្ធផលកាន់តែប្រសើរ។ ទុកចោលរហូតដល់ស្ងួត សឹមលាងសម្អាតស្បែកមុខចេញជាមួយទឹកក្ដៅឧណ្ហៗ។ អនុវត្តជាប្រចាំរហូតដល់ទទួលបានលទ្ធផលគាប់ចិត្ត។
២. សម្រាប់ពង្រឹងសុខភាពសក់
អ្វីដែលអ្នកត្រូវធ្វើ គឺគ្រាន់តែកិនសំបកដំឡូងបារាំងឱ្យម៉ដ្ឋ។ បន្ទាប់មកពូតយកទឹក រួចលាបទឹកដំឡូងបារាំងស្រស់លើស្បែកក្បាល។ ម៉ាស្សាសម្រាប់រយៈពេលយ៉ាងហោចណាស់ ៥ នាទី និងទុកចោលសម្រាប់រយៈពេល ១៥ នាទីទៀត សឹមលាងសម្អាតចេញជាមួយទឹកក្ដៅឧណ្ហៗ។
៣. សម្រាប់ដោះស្រាយបញ្ហាសក់ស្កូវ
អ្វីដែលអ្នកត្រូវធ្វើ គឺគ្រាន់តែស្ងោរសំបកដំឡូងបារាំង រួចត្រងយកទឹក។ ក្រោយពេលកក់សក់ ចូរលាងសម្អាតសក់ជាមួយទឹកដំឡូងបារាំងដែលបានត្រងនោះជាការស្រេច៕
ត្រួតពិនិត្យដោយ www.health.com.kh
© រក្សាសិទ្ធិដោយ thmeythmey.com
«ប្រេសិត»មានន័យដូចម្តេច?
4 ថ្ងៃ
