សមាគមសប្បុរសធម៌កម្ពុជា បារាំង បង្កើតឡើងដើម្បីជួយដល់ពលរដ្ឋក្រីក្រគ្មានទីពឹង

ជាតិ

សមាគមសប្បុរសធម៌កម្ពុជា បារាំង បង្កើតឡើងដើម្បីជួយដល់ពលរដ្ឋក្រីក្រគ្មានទីពឹង

25, Aug 2020 , 7:59 am

រូបភាព

ដោយ: នាយយ៉ាន

ភ្នំពេញ៖ ទោះបីជា សមាគម ឬអង្គការផ្ដល់ជំនួយមានច្រើននៅកម្ពុជា តែលោក សុខ នីកូឡា នៅតែបង្កើតសមាគមសប្បុរសធម៌កម្ពុជា បារាំង ដើម្បីជួយដល់ពលរដ្ឋខ្មែរក្រីក្រ ពិសេសមនុស្សចាស់ជរា អាយុពី៧០ឆ្នាំ ដែលខ្វះខាត និងគ្មានទីពឹងបង្អែក។ សមាគមនេះ បង្កើតឡើងបានរយៈពេលជិត១ឆ្នាំ តាំងពីឆ្នាំ២០១៩ ដោយផ្ដល់ជូនពលរដ្ឋក្រីក្រ និងមនុស្សចាស់ជរា ជាគ្រឿងបរិភោគ និងឧបភោគដល់ផ្ទះពួកគេ។សមាគម ទទួលបានជំនួយពីប្រទេសបារាំង និងកម្ពុជា។ តាមរយៈសមាគមនេះ លោក សុខ នីកូឡា មានគម្រោងបង្កើតកន្លែងពិនិត្យជំងឺ ដែលនឹងមានដល់មនុស្សចាស់ជរា និងជនក្រីក្រផងដែរ។ លោក នីកូឡា បានលើកឡើងដូច្នេះថា នៅពេលកន្លែងពិនិត្យជំងឺសាងសង់រួច នឹងមានគ្រូពេទ្យជនជាតិបារាំងមកពិនិត្យផងដែរ។ ក្រៅពីនោះ លោក ក៏មានគម្រោងបង្កើតសាលាបង្រៀនភាសា អង់គ្លេស បារាំង និងចិន ដល់ពលរដ្ឋខ្មែរផងដែរ៕