​ក្រុមហ៊ុន​ទាំង​៥ ដែល​CDC បានចេញ​វិញ្ញាបនបត្រ​ចុះបញ្ជី​ជា​ស្ថាពរ​ដើម្បីឱ្យ​អនុវត្ត​គម្រោង​វិនិយោគ​នៅ​កម្ពុជា​នោះ​មាន​៖

១. ក្រុមហ៊ុន CAM-ICARE CO., LTD នឹង​វិនិយោគ​ក្នុង​ថវិកា​៥,៥​លាន​ដុល្លារ លើ​ការបង្កើត​រោងចក្រ​ផលិត​វ៉ែនតា និង​ប្រអប់​វ៉ែនតា​នៅក្នុង​តំបន់​សេដ្ឋកិច្ច​ពិសេស ក្រុងព្រះសីហនុ ខេត្ត​ព្រះសីហនុ​។ គម្រោង​បង្កើត​រោងចក្រ​ផលិត​វ៉ែនតា​នេះ នឹង​ផ្តល់ឱកាស​ការងារ​ដល់​ពលរដ្ឋ​បាន​ចំនួន​៣៨០​កន្លែង​។ 

 

២. ក្រុមហ៊ុន K&K PIPE (CAMBODIA) CO.,LTD នឹង​បង្កើត​រោងចក្រ​ផលិត​ទុយោ​ទឹក​គ្រប់​ប្រភេទ នៅក្នុង​សង្កាត់​ពញា​ពន់ ខណ្ឌ​ព្រែក​ព្នៅ រាជធានី​ភ្នំពេញ ក្នុងតម្លៃ​វិនិយោគ​ជាង​៦​លាន​ដុល្លារ និង​អាចបង្កើត​ការងារ​បាន​ចំនួន​១៣១​កន្លែង​។ 

 

៣. ក្រុមហ៊ុន​ចិន​ឈ្មោះ RONG XING PAPER INDUSTRIAL CO.,LTD បាន​បោះទុន​ជាង​៣,៦​លាន​ដុល្លារ បង្កើត​រោងចក្រ​ផលិត​កេស​កា​តុង នៅ​សង្កាត់​កន្ទោក ខណ្ឌ​កំបូល រាជធានី​ភ្នំពេញ ដែល​អាចបង្កើត​ការងារ​ជូន​ពលរដ្ឋ​បាន​ជាង​១០០​កន្លែង ផងដែរ​។ 

 

៤. ក្រុមហ៊ុន TOKYO HAPPY ICE CREAM CO., LTD នឹង​បង្កើត​រោងចក្រ​ផលិត​ការ៉េម នៅ​ភូមិ​វត្តភ្នំ ឃុំ​ភ្នំ​តូច ស្រុក​ឧដុង្គ ខេត្តកំពង់ស្ពឺ​។  គម្រោង​រោងចក្រ​ផលិត​ការ៉េម​នេះ ត្រូវបាន​ក្រុមហ៊ុន TOKYO HAPPY  វិនិយោគ​ក្នុង​ទំហំ​ទឹកប្រាក់​ប្រមាណ​៣​លាន​ដុល្លារ ដោយ​អាចបង្កើត​ការងារ​បាន​ជាង​១៥០​កន្លែង​។​

 

៥.  ក្រុមហ៊ុន RAY POWER SUPPLY CO., LTD   បាន​បោះទុន​វិនិយោគ​រហូត​ជិត​៤០​លាន​ដុល្លារ ក្នុងការ​បង្កើត​ស្ថានីយ​ផលិត​អគ្គិសនី​ដើរ​ដោយ​ថាមពលព្រះអាទិត្យ​ដែលមាន​អានុភាព​៣០​មេ​ហ្គា​វ៉ា​ត់ នៅក្នុង​ឃុំ​ឈ្នួ​រ​មានជ័យ ស្រុក​ព្រះនេត្រព្រះ ខេត្តបន្ទាយមានជ័យ​។ នេះ​បើតាម​CDC៕ 

​