វិទ្យាល័យបាក់ទូក នឹងបើកឲ្យសិស្សថ្នាក់ទី៩ និងទី១២ចូលរៀនមុនគេនៅខែកញ្ញា

ជាតិ

សង្គមជាតិ

វិទ្យាល័យបាក់ទូក នឹងបើកឲ្យសិស្សថ្នាក់ទី៩ និងទី១២ចូលរៀនមុនគេនៅខែកញ្ញា

26, Aug 2020 , 11:37 am

រូបភាព

ដោយ:

ភ្នំពេញ៖ ក្រសួងអប់រំ បានសម្រេចឲ្យសាលាវិទ្យាល័យបាក់ទូក បើកឲ្យសិស្សថា្នក់ទី៩ និងទី១២ចូលរៀនមុនគេនៅអំឡុងខែកញ្ញា។ ចំណែកសាលារៀនរដ្ឋ និងឯកជនដទៃទៀតនឹងបន្តបើកក្នុងអំឡុងខែកញ្ញានេះផងដែរ។

ក្រោយពីក្រសួងអប់រំបានពិភាក្សាជាមួយនឹងគណៈគ្រប់គ្រងសាលារៀន និងគ្រូនីមួយៗកាលពីថ្ងៃទី២៥ ខែសីហា ក្រសួងអប់រំបានបញ្ជាក់ដូច្នេះថា៖«វិទ្យាល័យបាក់ទូក ត្រូវបានជ្រើសរើសជាសាលារៀនដំបូងដែលត្រូវបើកឡើងវិញ ដោយសារមានចំនួនសិស្សថ្នាក់ទី១២ ច្រើនជាងគេទូទាំងប្រទេស»។

ក្រសួងអប់រំបានបញ្ជាក់ថា សាលារៀននីមួយៗបើកដំណើរការឡើងវិញ ដោយឲ្យសិស្សចូលរៀនក្នុងមួយថ្នាក់ចន្លោះពី១៥ ទៅ២០នាក់ ដោយគោរពតាមវិធានការអនាម័យរបស់ក្រសួងសុខាភិបាល។

ទោះបីបើកឲ្យដំណើរការសាលាឡើងវិញ ក្រសួងអប់រំក៏នៅតែជំរុញឲ្យសិស្សានុសិស្សសិក្សាតាមអនឡាញក្នុងអំឡុងបរិបទកូវីដ-១៩ ដើម្បីបន្តនិរន្តរភាពបច្ចេកវិទ្យា៕

អត្ថបទទាក់ទង

សាលាមត្តេយ្យ បឋមសិក្សា និងមធ្យមសិក្សា អាចដំណើរការឡើងវិញនៅខែកញ្ញា

ថ្នាក់ទី៩និងទី១២ ចូលរៀនវិញ នៅខែកញ្ញា២០២០ ហើយខែធ្នូ ប្រឡងបាក់ឌុប