ដំណើរការសាលាឡើងវិញ ប៉ុន្តែបន្តរៀនអនឡាញ៣ថ្ងៃ និងការគោរពលក្ខខណ្ឌផ្សេងៗ

ជាតិ

សង្គមជាតិ

ដំណើរការសាលាឡើងវិញ ប៉ុន្តែបន្តរៀនអនឡាញ៣ថ្ងៃ និងការគោរពលក្ខខណ្ឌផ្សេងៗ

27, Aug 2020 , 9:29 am

រូបភាព

សិស្សានុសិស្សកំពុងសិក្សានៅក្នុងថ្នាក់រៀនកាលមិនទាន់មានការរាតត្បាតនូវជំងឺកូវីដ-១៩

ដោយ:

ភ្នំពេញ៖ សិស្សសាលាមតេ្តយ្យដល់សិស្សសាលាមធ្យមសិក្សានឹងចូលរៀននៅតាមថ្នាក់រៀនវិញចាប់ពីថ្ងៃទី៧ ខែកញ្ញា រហូតដល់ខែធ្នូ ដោយក្នុងមួយថ្នាក់មានសិស្សតែ១៥ ទៅ២០នាក់។ ពួកគេអាចសិក្សាជាមួយគ្រូផ្ទាល់ក្នុងថ្នាក់បានតែ៣ថ្ងៃក្នុងមួយសប្តាហ៍ ចំណែក៣ថ្ងៃទៀតពួកគេត្រូវរៀនតាមអនឡាញ។ នេះបើតាមសេចក្តីណែនាំរបស់ក្រសួងអប់រំ យុវជន និងកីឡា។

ក្រសួងអប់រំបានបញ្ជាក់ថា សិស្សនៅថ្នាក់មេត្តយ្យរហូតដល់ថ្នាក់ទី១១ អាចទៅរៀនជាមួយគ្រូមួយសប្តាហ៍បានតែ ២ទៅ៣ថ្ងៃ ចំណែក៣ថ្ងៃទៀតរៀនតាមអនឡាញដោយមានគ្រូបន្ទុកថ្នាក់រៀបចំមេរៀន។ សម្រាប់សិស្សមត្តេយ្យ ក្រសួងណែនាំឲ្យអាណាព្យាបាលសិស្សយកមេរៀនពីគ្រូ ដើម្បីបន្តបង្រៀនកូនតាមផ្ទះទៀត។ សាលាមត្តេយ្យនីមួយៗត្រូវតាមដានសកម្មភាពសិស្ស ដោយមិនឲ្យឆ្លងកាត់ពីថ្នាក់មួយទៅថ្នាក់មួយទៀតឡើយ។

ចំពោះសិស្សថ្នាក់ទី៩ និងទី១២ ត្រូវរៀនពេញមួយសប្តាហ៍រហូតដល់ចុងខែវិច្ឆិកា ដើម្បីត្រៀមប្រឡងឌីប្លូម និងបាក់ឌុបនៅខែធ្នូ។ សិស្សទាំងអស់បែងចែកកាលវិភាគរៀនគ្នា។ មុននឹងសាលាទទួលសិស្សឲ្យចូលរៀនវិញនៅថ្ងៃទី៧ ខែកញ្ញា គ្រប់គ្រឹះស្ថានសិក្សាទាំងអស់ត្រូវរៀបចំបន្ទប់រៀនឲ្យបានគ្រប់គ្រាន់ បោសសម្អាតបន្ទប់រៀន និងបរិវេណសាលាទៅតាមវិធានការណែនាំរបស់ក្រសួងសុខាភិបាល។

សម្រាប់ឆ្នាំសិក្សា២០២០-២០២១ សិស្សានុសិស្សអាចចូលរៀនចាប់ពីថ្ងៃទី១១ ខែមករា ឆ្នាំ២០២១ ដោយខែចូលរៀនដំបូងសិស្សានុសិស្សត្រូវរំលឹកមេរៀនដែលរៀននៅឆ្នាំ២០១៩-២០២០ឡើងវិញ។ នេះបើតាមសេចក្តីណែនាំរបស់ក្រសួងអប់រំ៕

អត្ថបទទាក់ទង

វិទ្យាល័យបាក់ទូក នឹងបើកឲ្យសិស្សថ្នាក់ទី៩ និងទី១២ចូលរៀនមុនគេនៅខែកញ្ញា

សាលាមត្តេយ្យ បឋមសិក្សា និងមធ្យមសិក្សា អាចដំណើរការឡើងវិញនៅខែកញ្ញា

ថ្នាក់ទី៩និងទី១២ ចូលរៀនវិញ នៅខែកញ្ញា២០២០ ហើយខែធ្នូ ប្រឡងបាក់ឌុប