កីឡាជាតិ
ជាតិ
ពានសម្តេច ហ៊ុន សែន៖ ទ័ព ប៉ះ ជើងឯកថ្នាក់ខេត្តព្រៃវែង នាម៉ោង៦ល្ងាចនេះ កីឡាកររបស់ព្រៃវែង(ខាងឆ្វេង)និងកីឡាករកងយោធពលខេមរភូមិន្ទក្នុងជំនួបវគ្គ១៦ក្រុមចុងក្រោយកន្លងទៅ
× ក្រុមកងយោធពលខេមរភូមិន្ទ(ទ័ព) ត្រូវបើកទ្វារកីឡដ្ឋានស្តាតចាស់ទទួលក្រុមព្រៃវែង នាជំនួបជើងទី១វគ្គ៨ក្រុមចុងក្រោយ(១/៤)នៃពានរង្វាន់សម្តេច ហ៊ុន សែន ថ្នាក់ជាតិនៅម៉ោង៦ល្ងាចថ្ងៃទី២៧ ខែសីហា ឆ្នាំ២០២០ នេះ។
មុនឡើងមកជួបគ្នានៅវគ្គនេះក្រុមទាំងពីរបានទម្លាក់គូប្រកួតរៀងៗខ្លួននៅវគ្គ១៦ក្រុមចុងក្រោយ ក្នុងនោះកងយោធពលខេមរភូមិន្ទទម្លាក់ក្រុមកែបក្នុងលទ្ធផលសរុបទាំងពីរជើង ១៤-៣ ខណៈព្រៃវែងតម្លាក់ក្រុមអង្គរថាយហ្គឺរក្នុងលទ្ធផល ៥-៤។ ការជួបគ្នារវាងពួកគេទាំងពីរនឹងក្លាយជាជំនួបដ៏តានតឹង និងមានភាពទាក់ទាញ។
ទោះបីទ័ពជាក្រុមលេងនៅក្របខណ្ឌមិត្តហ្វូនខេបូឌានលីគ តែគេជឿថា ពួកគេអាចនឹងជួបការលំបាកពេលប៉ះព្រៃវែងនៅល្ងាចនេះ ដ្បិតសមាជិកភាគច្រើនរបស់ក្រុមឡើងមកពីថ្នាក់ខេត្តមួយនេះ ជាយុវជនរបស់ក្លិបវិសាខា។ ម្យ៉ាងវិញទៀត ពួកគេជាម្ចាស់ជើងឯកពានរង្វាន់សម្តេច ហ៊ុន សែន ថ្នាក់ខេត្ត ក្រោយយកឈ្នះត្បូងឃ្មុំក្នុងលទ្ធផល ១-០ នៅវគ្គផ្តាច់ព្រ័ត្រ៕
Tag:
បាល់ទាត់
Hun Sen Cup 2020
© រក្សាសិទ្ធិដោយ thmeythmey.com