អត្ថបទពាណិជ្ជកម្ម
ទឹកក្រូចអាយស៍ IZE ត្រៀមរង្វាន់សន្ធឹកសន្ធាប់សម្រាប់អ្នកដែលមកគាំទ្រសិល្បៈស្រុកយើង ថ្ងៃអាទិត្យនេះ
× ទឹកក្រូចអាយស៍ IZE ដែលជាដៃគូសហការឧបត្ថម្ភដល់កម្មវិធី «សិល្បៈស្រុកយើង» បានត្រៀមរង្វាន់ជាច្រើនសម្រាប់អ្នកដែលអញ្ជើញមកទស្សនា ការសម្តែងសិល្បៈខ្មែរ ដែលមានរៀបចំនៅថ្ងៃអាទិត្យ ទី៣០ សីហា ឆ្នាំ២០២០ ពីវេលាម៉ោងម៉ោង៥ល្ងាច ដល់ម៉ោង៧កន្លះយប់ ក្នុងមណ្ឌលផ្សារទំនើប ជីប ម៉ុង ណូរ៉ូ ម៉ល។ កម្មវិធីកម្សាន្តដែលរៀបចំជូនសម្រាប់អ្នកគាំទ្រនោះ មានដូចជាការលេងហ្គេមបាញ់ព្រួញមួយបានសត្វពីរជាដើម ដើម្បីបង្កើតឱកាសឈ្នះវត្ថុអនុស្សាវរីយ៍ ពេលអញ្ជើញមកទស្សនាសិល្បៈខ្មែរ។
ទស្សនីយភាពនៃ «សិល្បៈស្រុកយើង» សម្រាប់ចុងខែសីហានេះ នឹងបង្ហាញជូនដោយក្រុមសិល្បករ Epic Arts និងតារាចម្រៀងប្រពៃ ដែលនឹងផ្តល់បរិយាកាសដ៏រំភើបរីករាយជាក់ជាមិនខាន។
កម្មវិធី «សិល្បៈស្រុកយើង» នឹងបើកឲ្យចូលទស្សនាដោយសេរី ព្រមទាំងមានលេងហ្គេមដើម្បីឈ្នះរង្វាន់ពីទឹកក្រូចអាយស៍ ចាប់ពីវេលាម៉ោង១ថ្ងៃត្រង់តទៅ។ រង្វាន់ដែលនឹងត្រៀមផ្តល់ជូនរួមមាន ទឹកក្រូចអាយស៍ IZE រាប់រយដប កាតាបអាយស៍ IZE ដ៏ស្រស់ស្អាត កែវទឹក និងអាវយឺតជាច្រើនរង្វាន់។
គួរបញ្ជាក់ថា កម្មវិធី «សិល្បៈស្រុកយើង» ធ្វើឡើងដើម្បីលើកស្ទួយសិល្បៈខ្មែរ ដោយមានការសម្ដែងរៀងរាល់ ថ្ងៃអាទិត្យចុងខែ នៅមណ្ឌលផ្សារទំនើប ជីប ម៉ុង ណូរ៉ូ ម៉ល ពីម៉ោង៥ល្ងាច ដល់ម៉ោង៧កន្លះយប់៕
(អត្ថបទពាណិជ្ជកម្ម)
© រក្សាសិទ្ធិដោយ thmeythmey.com