Pogba ត្រូវដកចេញពីជម្រើសជាតិបារាំង ក្រោយឆ្លង COVID-19

COVID-19

កីឡាអន្តរជាតិ

អន្តរជាតិ

Pogba ត្រូវដកចេញពីជម្រើសជាតិបារាំង ក្រោយឆ្លង COVID-19

28, Aug 2020 , 2:41 pm

រូបភាព

ដោយ: ទេព ពិទូរ្យ

Paul Pogba ត្រូវដកចេញពីក្រុមជម្រើសជាតិបារាំង បន្ទាប់ពីធ្វើតេស្តចេញលទ្ធផលវិជ្ជមានជំងឺ COVID-19។បើតាមការបញ្ជាក់របស់គ្រូជម្រើសជាតិបារាំងលោក Didier Deschamps កន្លែងរបស់ខ្សែបម្រើក្រុម Manchester United រូបនេះ ត្រូវជំនួសដោយកីឡាករវ័យ១៧ឆ្នាំ Eduardo Camavinga។

អត្ថបទទាក់ទង

កីឡាករ Chelsea ច្រើននាក់ឆ្លង COVID-19 ដែលប៉ះពាល់ការហ្វឹកហាត់ត្រៀមរដូវកាលថ្មី

Pogba ដែលត្រូវដាក់ឲ្យនៅដាច់ដោយឡែកចំនួន១៤ថ្ងៃ នឹងត្រូវអាក់ខានជាមួយក្រុមមាន់គកបារាំងក្នុងការប្រកួតពានរង្វាន់ Nations League នៅពេលប៉ះស៊ុយអែតនៅថ្ងៃទី៥ ខែកញ្ញា និងជួបក្រូអាស៊ីនៅ៣ថ្ងៃបន្ទាប់។

លោក Deschamps បានប្រាប់អ្នកយកព័ត៌មានក្នុងសន្និសីទកាសែតថា៖« ខ្ញុំត្រូវតែផ្លាស់ប្តូរបញ្ជីឈ្មោះកីឡាករ ពីព្រោះ Paul Pogba ដែលមានឈ្មោះក្នុងបញ្ជីហើយនោះ ត្រូវដកចេញវិញក្រោយរូបគេបានឆ្លង COVID-19 កាលពីម្សិលមិញ ហើយត្រូវជំនួសដោយ Eduardo Camavinga ខ្សែបម្រើក្រុម Rennes វិញ»។

យ៉ាងណាក៏ដោយ បើទោះខ្សែបម្រើសញ្ជាតិបារាំង វ័យ២៧ឆ្នាំរូនេះអាក់ខានជាមួយជម្រើសជាតិ ប៉ុន្តែក្រុមបិសាចក្រហមរំពឹងថារូបគេអាចជាទាន់ពេលដើម្បីចូលរួមការប្រកួតបើកឆាកក្របខណ្ឌ Premier League ទល់ Crystal Palace នៅ Old Trafford នាថ្ងៃទី១៩ ខែកញ្ញា៕