ក្រុមហ៊ុនជប៉ុនប្រកាសពីភាពជោគជ័យនៃការតេស្តសាកល្បង «រថយន្តហោះ» លើកដំបូង

រថយន្ត

អន្តរជាតិ

31, Aug 2020 , 7:19 pm

រូបភាព

ក្រុមហ៊ុន Sky Drive Inc. របស់ជប៉ុន កាលពីថ្ងៃទី២៥ ខែសីហា បានប្រកាសពីភាពជោគជ័យរបស់ខ្លួន លើដំណើការបើកសាកល្បងរថយន្តហោះ (Flying Car) នៅទីតាំង Toyota Test Field។ នេះជាបើយោងតាមការផ្សាយរបស់ CNN ដែលជាការបង្ហាញលើកដំបូងក្នុងប្រវត្តិសាស្ត្រជប៉ុន។

រថយន្តដែលមានឈ្មោះថា SD-03 មានអ្នកបើកបរម្នាក់ ហើយចាត់ទុកជារថយន្តអគ្គិសនីខ្នាតតូចបំផុតមួយ។ វាអាចចុះចតនៅទីតាំងរថយន្តធម្មតាពីរគ្រឿង ហើយមានមូទ័រចំនួន៨ ដែលធានាសុវត្ថិភាពក្នុងករណីមានភាពអាសន្នជាយថាហេតុណាមួយ។

លោក Tomohiro Fukuzawa អគ្គនាយកក្រុមហ៊ុន បានលើកឡើងនៅក្នុងសេចក្តីថ្លែងការណ៍ថា៖ «យើងពិតជារីករាយខ្លាំងណាស់ ដែលសម្រេចគោលដៅដ៏ធំធេងក្នុងការសាកល្បងរថយន្តហោះដំបូងបំផុតនៅជប៉ុន បើគិតចាប់តាំងពីការបង្កើតក្រុមហ៊ុន SkyDrive»។

លោកអះអាងថា ក្រុមហ៊ុនបន្តសិក្សាពីលទ្ធភាពដែលនាំឲ្យមនុស្សទូទៅអាចសាកល្បងរសជាតិថ្មីបន្ថែមទៀតក្នុងជីវិតជាមួយបច្ចេកវិទ្យារថយន្តហោះ ប្រកបដោយសុវត្ថិភាព និងស្តង់ដារខ្ពស់។

ជោគជ័យនៃការសាកល្បងនេះ នាំឲ្យ SkyDrive បានសាកល្បងនៅទីតាំងក្រៅ Toyota Test Field ហើយបន្តអភិវឌ្ឍន៍បច្ចេកវិទ្យាបន្ថែមទៀតដើម្បីធានាសុវត្ថិភាព មុនគម្រោងអាជីវកម្មផ្លូវការនៅឆ្នាំ២០២៣ ខណៈតម្លៃរថយន្តមិនត្រូវបានបង្ហើបឲ្យដឹងនៅឡើយ៕

ថ្ងៃ១៧ មេសា កាល៤៩ឆ្នាំមុន កងទ័ពខ្មែរក្រហមដណ្តើមបានទីក្រុងភ្នំពេញ

2 ថ្ងៃ

តើពាក្យ«បច្ច័យ»មានន័យច្បាស់លាស់ដូចម្តេច?

3 ថ្ងៃ

សមត្ថកិច្ចខេត្តកែប ធ្វើកិច្ចសន្យាអាជីវករ២រូប ឱ្យឈប់ទារលុយពីភ្ញៀវទេសចរដែលអង្គុយតាមឆ្នេរ

1 សប្តាហ៍

«បុរាណ»និង«បូរាណ» មានអត្ថន័យដូចគ្នា

1 សប្តាហ៍

សត្វជាង ៧០០ប្រភេទ ត្រូវបានរកឃើញក្នុងតំបន់ព្រៃកោងកាងខេត្តកោះកុង

1 ថ្ងៃ

អត្ថបទពេញនិយមបន្ថែម