ជាតិ
រថយន្ត
សេវាត្រួតពិនិត្យលក្ខណៈបច្ចេកទេសយានជំនិះ(ឆៀក)ចល័តតាមបណ្តាខេត្ត
× ក្រសួងសាធារណការ និងដឹកជញ្ជូន តាមរយៈទំព័រហ្វេសប៊ុកផ្លូវការរបស់ខ្លួន បានចេញកាលវិភាគត្រួតពិនិត្យលក្ខណៈបច្ចេកទេសយានជំនិះ (ឆៀក) ចល័តតាមបណ្តាខេត្តនានាក្នុងអំឡុងខែកញ្ញា ឆ្នាំ២០២០។
តាមកម្មវិធី ការឆៀកចល័តនៅមណ្ឌលគិរី តាកែវ ស្វាយរៀង និងបន្ទាយមានជ័យ នឹងធ្វើឡើងចន្លោះពីថ្ងៃទី៣១ ខែសីហា ដល់ថ្ងៃទី៤ ខែកញ្ញា។ ស្ទឹងត្រែង បន្ទាយមានជ័យ តាកែវ និងស្វាយរៀង ពីថ្ងៃទី៧ ដល់ថ្ងៃទី១១ ខែកញ្ញា។
បន្ទាយមានជ័យ ពោធិ៍សាត់ ព្រៃវែង និងកំពត ពីថ្ងៃទី២១ ដល់ថ្ងៃទី២៥ ខែកញ្ញា។ ត្បូងឃ្មុំ កំពត ឧត្តរមានជ័យ និងពោធិ៍សាត់ ពីថ្ងៃទី២៨ ខែកញ្ញា ដល់ថ្ងៃទី២ ខែតុលា។
ក្រសួងបានអំពាវនាវដល់ម្ចាស់យានយន្តទាំងអស់ យករថយន្តរបស់ខ្លួនទៅធ្វើការត្រួតពិនិត្យលក្ខណៈបច្ចេកទេសទៅតាមកាលកំណត់ និងដាក់លេខទូរសព្ទសម្រាប់ទំនាក់ទំនងផងដែរ ដែលរួមមាន ០១២ ៩៩០ ២២៣, ០៦៩ ៥៦៧ ៨២២, ០៧១ ៧១៧ ៥៥៥៥ និង០១២ ៧៨៨ ១១៤។
សម្រាប់ប្រឹក្សាយោបល់ ម្ចាស់យានយន្តអាចទាក់ទងទៅកាន់ ០៨៥ ៩២ ៩០ ៩០, ០៦៧ ៩២ ៩០ ៩០ និង ០១៥ ៩២ ៩០ ៩០ ។ ការដាក់ពាក្យឆៀកអនឡាញ សូមចូលទៅកាន់
https://techinspection.mpwt.gov.kh/ ។
តម្លៃសេវាត្រួតពិនិត្យលក្ខណៈបច្ចេកទេសយានជំនិះ (ឆៀក) ទោចក្រយានយន្ត (សណ្តោងរឺម៉ក) ឬត្រីចក្រយានយន្ត តម្លៃ ៧០០០រៀល សម្រាប់រថយន្ត តាមប្រភេទ តម្លៃចាប់ពី ៣៦០០០រៀល រហូតដល់ ៦៦០០០រៀល សម្រាប់រ៉ឺម៉ក ឬសឺមីរ៉ឺម៉ករថយន្ត ៣៦០០០រៀល៕
© រក្សាសិទ្ធិដោយ thmeythmey.com