កីឡាអន្តរជាតិ
អន្តរជាតិ
CEO របស់ Ajax ផ្តាំ Man Utd និងអ្នកគាំទ្រឲ្យមើលថែ Van de Beek ផង
× Donny van de Beek បានផ្លាស់ពី Ajax Amsterdam ទៅ Manchester United ផ្លូវការហើយក្នុងតម្លៃ៣៩លានផោន (៥២លានដុល្លារអាមេរិក)។ ខ្សែបម្រើរូបនេះបង្ហើបថា Edwin van der Sar ជាអ្នកលើកទឹកចិត្តខ្លួនឲ្យផ្លាស់ទៅ Old Trafford។ Van der Sar បានផ្តែផ្តាំ Man Utd ឲ្យមើលថែ Van de Beek ឲ្យបានល្អផង។
ក្រុមបិសាចក្រហមបានផ្តល់កិច្ចសន្យាឲ្យ Van de Beek រយៈពេល៥ឆ្នាំ ក្នុងកិច្ចព្រមព្រៀងផ្ទេរពី Ajax ក្នុងតម្លៃ ៤៦ លានដុល្លារ និងលក្ខខណ្ឌផ្សេងៗចំនួន ៦ លានដុល្លារទៀត។ ជុំវិញការចរចាផ្ទេរនេះ លោក Van der Sar ដែលសព្វថ្ងៃមានតំណែងជានាយកប្រតិបត្តិក្លិប Ajax បានក្លាយជាតួរអង្គដ៏សំខាន់។
អតីតអ្នកចាំទីឆ្នើមរបស់ Man Utd វ័យ៤៩ឆ្នាំ រូបនេះ បានជួយសម្រួលដល់កិច្ចចរចាផ្លាស់ប្តូររបស់កីឡាករវ័យ ២៣ ឆ្នាំ ទៅកាន់ទឹកដី Old Trafford និងបានជំរុញឲ្យក្រុមដែលមានលោក Ole Gunnar Solskjaer ជាអ្នកចាត់ការ «មើលថែរក្សា Van de Beek ឲ្យបានល្អ» ផង។
មិន្តត្រឹមតែប៉ុណ្ណោះ Van der Sar ដែលជោគជ័យបំផុតជាមួយក្រុមយក្សអង់គ្លេស ថែមទាំងសរសេរលិខិតផ្ញើទៅកាន់អ្នកគាំទ្ររបស់ Man Utd ផងថា៖«នៅពេលនេះមានកីឡាកររបស់ខ្ញុំម្នាក់ បានទៅចូលរួមជាមួយអ្នកនៅរដូវកាលនេះ។ … សូមជួយមើលថែរក្សា Van de Beek ឲ្យបានល្អ ហើយជួយគាត់ឲ្យសម្រេចក្តីសុបិនផង។ ពីខ្ញុំ Van der Sar។»
Van de Beek សមាជិក្រុមជម្រើសជាតិហូឡង់ ត្រូវបានជឿជាក់ថា នឹងចូលលេងក្នុងការប្រកួតបើកឆាកក្របខណ្ឌ Premier League រដូវកាលថ្មីជាមួយ Paul Pogba និង Bruno Fernandes នៅពេល Man United ប៉ះ Crystal Palace នៅថ្ងៃទី១៩ ខែកញ្ញា។ Man Utd ក៏មានភារកិច្ចសំខាន់មួយទៀតនៅរដូវកាល២០២០-២១ នេះផងដែរ ដោយទទួលបានកៅអីក្នុងក្របខណ្ឌកំពូលអឺរ៉ុប UEFA Champions League៕
Tag:
Donny van de Beek
Manchester United
Edwin van der Sar
Ajax
© រក្សាសិទ្ធិដោយ thmeythmey.com