សង្គមអន្តរជាតិ
អន្តរជាតិ
×![]()
ដោយ: ធីតា
ដំណើរការថតរឿងមនុស្សប្រចៀវ Batman នៅចក្រភពអង់គ្លេស ត្រូវបានផ្អាកបណ្តោះអាសន្ន ដោយសារតែតួឯកគឺលោក Robert Pattinson មានលទ្ធផលវិជ្ជមាន COVID-19។ នេះបើតាមការផ្សាយរបស់ AFP ដែលដកស្រង់សេចក្តីប្រកាសព័ត៌មានរបស់ផលិតកម្ម Warner Bros។
«សមាជិកម្នាក់ក្នុងក្រុមថតរឿង Batman មានលទ្ធផលតេស្តវិជ្ជមាន COVID-19 ហើយត្រូវបានដាក់នៅដាច់ដោយឡែក»។ ដូច្នេះដំណើរការថតត្រូវបានផ្អាកជាបណ្តោះអាសន្ន»។ ផលិតកម្ម Warner Bros បានបញ្ជាក់យ៉ាងដូច្នេះ ដោយមិនបានបញ្ជាក់ពីអត្តសញ្ញាណបុគ្គលដែលឆ្លង។
ទោះបីជាយ៉ាងណាក៏ដោយ ទស្សនាវដ្តី Vanity Fair ទទួលបានការអះអាងពីប្រភពដ៏ជិតស្និទ្ធមួយ ដោយបញ្ជាក់ថា អ្នកដែលឆ្លងគឺជាតារាភាពយន្តអង់គ្លេស Robert Pattinson តួអង្គក្នុងរឿងតែម្តង។
រឿង «The Batman» គ្រោងចាក់បញ្ជាំងនៅខែមិថុនា ឆ្នាំ២០២១ ប៉ុន្តែដំណើរការថត ត្រូវបានរាំងស្ទះរួចទៅហើយ ដោយការរាលដាល COVID-19។ ក្រុមការងារទើបតែចាប់ផ្តើមថតឡើងវិញស្រាប់តែជួបករណី Robert Pattinson ឆ្លង COVID-19 តែម្តង។
លោក Matt Reeves ដែលជាអ្នកដឹកនាំរឿង ធ្លាប់បានអះអាងកន្លងមកថា សាច់រឿងរបស់លោក យកលំនាំតាមរឿង Chinatown និង Taxi Driver។ បច្ចុប្បន្ននេះ គេមិនទាន់ដឹងថា ក្រុមការងារនេះ នឹងអាចចាប់ផ្តើមឡើងវិញម្តងទៀតនៅពេលណានោះឡើយ៕
Tag:
Batman
© រក្សាសិទ្ធិដោយ thmeythmey.com
«ប្រេសិត»មានន័យដូចម្តេច?
5 ថ្ងៃ
