ពីនេះ ពីនោះ
ក្រូចថ្លុងអាចប្រើជាថ្នាំព្យាបាល គ្រុនផ្ដាសាយ ក្អក ចុកពោះ និងជំងឺច្រើនមុខទៀត
× ក្រូចថ្លុង ជារុក្ខជាតិធំមធ្យម កម្ពស់៥-១០ម៉ែត្រ។ ក្រៅពីអាចហូបផ្លែបាន ក្រូចថ្លុងក៏ជាថ្នាំព្យាបាលជំងឺជាច្រើនមុខផងដែរ។
សៀវភៅរុក្ខជាតិឱសថកម្ពុជា បានលម្អិតថា ស្លឹកក្រូចថ្លុងជួយព្យាបាល ឈឺក្បាល គ្រុនផ្ដាសាយ ឬផ្សំជាមួយថ្នាំក្រអូបផ្សេងទៀត ធ្វើជាថ្នាំឆ្ពុង។
រីឯ សំបកផ្លែ ព្យាបាល ចុកឆ្អល់ចុងដង្ហើម ហើមពោះ ក្អក ហឺត ចុកពោះ និង ផ្កា ជាថ្នាំព្យាបាល ក្អក ប្រកាច់ និងឆ្កួតជ្រូក ។
កម្រិតប្រើប្រាស់ គ្រប់ផ្នែក(ស្ងួត) ទាំងអស់ប្រើ១០-១៥ក្រាម ដាំផឹក។
(សារព័ត៌មានថ្មីៗ២៥ រាជធានី-ខេត្ត ដកស្រង់ចេញពីសៀវភៅរុក្ខជាតិឱសថកម្ពុជារបស់ក្រសួងសុខាភិបាល)។
© រក្សាសិទ្ធិដោយ thmeythmey.com