ជាតិ
បុណ្យភ្ជុំបិណ្ឌ
ពីនេះ ពីនោះ
វីដេអូ
×![]()
ភ្នំពេញ៖បណ្តាផលិតកម្មធំៗនៅប្រទេសកម្ពុជា បានផលិតនូវបទចម្រៀងជាច្រើនបទ ក្នុងពិធីភ្ជុំបិណ្ឌនេះ ។បទចម្រៀងខ្លះ គឺជាចម្រៀងប្រពៃណីខ្មែរដែលផលិតឡើងវិញ និងបទចម្រៀងខ្លះទៀត ជា ស្នាដៃផលិតថ្មីទាំងចង្វាក់និងសាច់ភ្លេង ។ 
ថ្ងៃនេះសារព័ត៌មានថ្មីៗសូមឡើងលើកឡើងនូវបទចម្រៀង១០បទដែលកំពុងទទួលបានការគាំទ្រខ្លាំងនៅក្នុងបណ្តាញសង្គម YouTube,Facebook ជាដើម។
១. «ខែភ្ជុំជ្រូកយំពេញទ្រុង»ជាបទចម្រៀងរបស់លោកព្រាប សុវត្ថិ នៅក្នុងផលិតកម្ម Galaxy Navata ដែលនិពន្ធទំនុកច្រៀងនិងមេឡូឌីដោយលោក យឹម តាស្រង់ និងនិពន្ធបទភ្លេងដោយ Grimes។ បទចម្រៀងមួយបទនេះទទួលបានគាំទ្រខ្លាំងនៅលើបណ្តាញសង្គមYouTubeគ្រាន់តែបង្ហោះរយៈពេលបីថ្ងៃទទួលបានការទស្សនាជាង១លានដងទស្សនា។
២. «ភ្ជុំបិណ្ឌដល់ហើយ»ជាបទចម្រៀងរបស់ តារាចម្រៀងពីរូបផលិតកម្មរស្មីហង្សមាស
គឺលោក ខេមរៈ សិរីមន្ត និងអ្នកនាង ឱក សុគន្ធកញ្ញា ។ បទនេះទទួលបានការគាំទ្រខ្លាំងដូចគ្នានៅលើបណ្តាញសង្គមYouTubeបង្ហោះរយៈពេល៥ថ្ងៃទទួលបានការទស្សនាជាង៩៥ម៉ឺនដងទស្សនា។ បទចម្រៀងដែលបានបញ្ចូលនូវឧបករណ៍ភ្លេងខ្មែរដែលមានដូចជាសាដៀវ,ចាប៉ីដងវែង,ទ្រខ្មែរ,ខ្លុយ,ទ្រអ៊ួ,ប៉ីអរ និងស្គដីស្តាប់ទៅយ៉ាងពិរោះរណ្តំ។
បទចម្រៀងមួយបទដែលច្រៀងរៀបរាប់អំពីរដូវបុណ្យភ្ជុំអមជាមួយការនឹករលឹកដល់អ្នកមានគុណទាំងពីរនិងការរៀបរាប់អំពីទិដ្ឋភាពស្រុកស្រែនាខែវស្សានេះជាស្នាដៃនិពន្ធទំនុកច្រៀងដោយលោក ហ៊ុន ហេង។ និងរៀបរៀងបទភ្លេងដោយលោក កែវ សម្រេច និងលោក គង់ ភក្តី និងបច្ចេកទេសសំឡេងដោយលោក ម៉ម មិថុនា។
៣. «នឹកស្រណោះ»ពីកញ្ញាតន ចន្ទសីម៉ា ពីផលិតកម្ម Galaxy Navatra ដែលនិពន្ធ ទំនុកច្រៀងនិងមេឡូឌីដោយលោក ឡេង ណាវ៉ាត្រា និងនិពន្ធបទភ្លេងថ្មីដោយលោក Tempo ។ បទចម្រៀងនឹកស្រណោះទទួលបានគាំទ្រយ៉ាងខ្លាំងលើបណ្តាញសង្គម YouTube ជាង១លានដងទស្សនាក្នុងរយៈពេល១សប្តាហ៍។
៤. បទចម្រៀងរបស់តារាចម្រៀងសំឡេងស្រទន់លោក ដួង វីរៈសិទ្ធ បានបញ្ចេញបទ ចម្រៀងពីជាប់គ្នាដើម្បីអបអរសាទពិធីបុណ្យភ្ជុំបិណ្ឌបទទី១«ភ្ជុំបិណ្ឌស្រុកយើង»និងបទទី២«ភ្ជុំបិណ្ឌភ្ជាប់ស្នេហ៏»បទចម្រៀងទាំងពីបទនេះជាស្នាដៃនិពន្ធទំនុកច្រៀងដោយលោក សុផាន់ តារាជឿន និងនិពន្ធបទភ្លេងដោយលោក ម៉ម មិថុនា ។ បទភ្លេងប្រពៃណីខ្មែរជា ចង្វាក់រាំក្បាច់«ភ្ជុំបិណ្ឌស្រុកយើង»បានរៀបរាប់អំពីទិដ្ឋភាពអំពីទេសភាពនារដូវភ្ជុំបិណ្ឌនិងរដូវវស្សាហើយរៀបរាប់អំពីការនឹករលឹកដល់ព្រះរស់នារដូវនេះផងដែរ។ចំណែក១បទទៀត«ភ្ជុំបិណ្ឌភ្ជាប់ស្នេហ៏»ជាបទចម្រៀងដែលបានរៀបរាប់អំពីក្តីស្នេហាស្មោះត្រង់រវាងបុរ សម្នាក់ដែលបានស្រឡាញ់គ្នាជាមួយនារីដែលមានភូមិផងរបងក្បែរគ្នាហើយសន្យាថាពេលភ្ជុំនិងចូលស្តីតាមប្រពៃណីខ្មែរ។
៥. បទចម្រៀងឆ្លងឆ្លើយរបស់លោកកែវ វាសនា និងកញ្ញា សុខ ពិសី «រលឹមខែភ្ជុំ»ដែល ជាស្នាដៃនិពន្ធទំនុកច្រៀងនិងបទភ្លេងដោយលោក Jone Roffer ។ ដែលទទួលបាន គាំទ្រខ្លាំងនៅក្នុងបណ្តាញសង្គម YouTube បង្ហោះក្នុងពេល១ថ្ងៃទទួលបានគាំទ្រ ជាង២០ម៉ឺនដងទស្សនា។
៦.«ស្រណោះភ្ជុំបិណ្ឌ»បទចម្រៀងជាចង្វាក់រាំក្បាច់របស់ផលិតកម្មសាន់ដេដែលច្រៀងដោយលោក យឿន សូត្រអនុស្សាវរីយ៍។បទចម្រៀងដែលបានរៀបរាប់អំពីការ ឃ្លាតឆ្ងាយពីស្រុកកំណើតទួញរលឹកនឹកដល់ភូមិស្រុកនារដូវបុណ្យភ្ជុំបិណ្ឌ។
បទ«ស្រណោះភ្ជុំបិណ្ឌ»និពន្ធទំនុកច្រៀងដោយលោក សុន រដ្ឋា និងសម្រួលតន្ត្រី ដោយលោក ឡុង គឹមលាង ។ បទនេះទទួលបានគាំទ្រជាង១លានដងទស្សនាលើ បណ្តាញសង្គម YouTube ។
៧.បទចម្រៀងប្រពៃណីខ្មែរចង្វាក់រាំវង់របស់ផលិតកម្មថោន«ឱ!ផ្កាម៉ោងដប់»របស់កញ្ញាដាសុមាវតី្ត។ច្រៀងរៀបរាប់ការនឹកស្រណោះរង់ចាំមនុស្សជាទីស្រឡាញ់ដែលឃ្លាតគ្នាជាយូរ។និពន្ធទំនុកច្រៀងនិងមេឡូឌីដោយលោក រ័ត្ន តាម៉ូ និងនិពន្ធបទភ្លេងដោយលោកដា ភ្លេង។
៨.«ជូនម៉ែ១លាន»ចម្រៀងរបស់លោកខេមរៈ សិរីមន្ត ទទួលបានការទស្សនាជិត២ លានដងទស្សនាលើបណ្តាញសង្គម YouTube បង្ហោះរយៈពេល៧ថ្ងៃ។
«ជូនម៉ែ១លាន»ជាស្នាដៃនិពន្ធទំនុកច្រៀងនិងមេឡូឌីដោយលោកឈិត តេងរិទ្ធ។
៩.«ទៅវត្តទៅវ៉ា»បទចម្រៀងកញ្ញា មាស សុខសោភា បទចម្រៀងរាំវង់ប្រពៃណីខ្មែរ
ដែលនិពន្ធទំនុកច្រៀងដោយលោក សយ រតនា និងនិពន្ធបទភ្លេងថ្មីដោយលោក ដា ភ្លេង។បទនេះរៀបរាប់ផ្តែផ្តាំឲ្យប្រជាពលរដ្ឋនាំគ្នាទៅវត្តដើម្បីឧទ្ទិសកុសលដល់ដូនតាដែលបានចែកឋានទៅលោកខាងមុខ។
១០.«នឹកស្រណោះ»ចម្រៀងពីលោក ខេម របស់ផលិតកម្ម Galaxy Navatra ច្រៀងរៀបរាប់ការបែកបាក់នូវស្នេហាមួយគូរដែលមិនចុះសម្រុងនិងគ្នា។
បទ«នឹកស្រណោះ»ទទួលបានគាំទ្រ១លាន៥សិបម៉ឺនក្នុងរយៈពេល១សប្តាហ៍លើបណ្តាញសង្គម YouTube ។ បទចម្រៀងនេះនិពន្ធទំនុកច្រៀងនិងមេឡូឌីដោយលោក ឡេង ណាវ៉ាត្រា និងនិពន្ធបទភ្លេងថ្មីដោយលោក Tempo ។
Tag:
បទចម្រៀង
ភ្ជុំបិណ្ឌ
© រក្សាសិទ្ធិដោយ thmeythmey.com
