ជាតិ
សង្គមជាតិ
អាជ្ញាធរផ្អាកទីតាំងស្ដុក និងផលិតគ្រឿងសម្អាងមួយកន្លែង ក្រោយរកឃើញគ្រឿងសម្អាង៥៥តោន
× ភ្នំពេញ៖ អាជ្ញាធរបានផ្អាកបណ្ដោះអាសន្នទីតាំងស្តុក និងផលិតគ្រឿងសម្អាងមួយកន្លែង ស្ថិតសង្កាត់ព្រែកឯង ខណ្ឌច្បារអំពៅ ក្រោយរកឃើញផលិតផលគ្រឿងសម្អាងចំនួន ៥៥តោន។ ក្នុងចំណោម ផលិតផលគ្រឿងសម្អាងប្រមាណ ៥៥តោននេះ មានប្រមាណ ២១ តោន ត្រូវបានវេចខ្ចប់រួច និងសម្បកវេចខ្ចប់ប្រមាណ ៣៤ តោន។
បើតាមទំព័រហ្វេសប៊ុកអគ្គនាយកដ្ឋានការពារអ្នកប្រើប្រាស់ កិច្ចការប្រកួតប្រជែង និងបង្ក្រាបការក្លែងបន្លំ CCF ប្រតិបត្តិការត្រួតពិនិត្យ និងផ្អាកទីតាំងគ្រឿងសំអាងនេះ ធ្វើឡើងកាលពីថ្ងៃទី១៤ ខែកញ្ញា ដោយមានក្រុមការងារចំពោះកិច្ច ក.ប.ប. រាជធានីភ្នំពេញ សហការជាមួយមន្ត្រីនគរបាលប្រឆាំងបទល្មើសសេដ្ឋកិច្ច មន្ត្រីមន្ទីរសុខាភិបាលរាជធានី និងអាជ្ញាធរដែនដី។
យ៉ាងណាក៏ដោយអគ្គនាយកដ្ឋានការពារអ្នកប្រើប្រាស់ កិច្ចការប្រកួតប្រជែង និងបង្ក្រាបការក្លែងបន្លំ មិនបានបញ្ជាក់មូលហេតុផ្អាកទីតាំងស្តុក និងផលិតគ្រឿងសំអាងនេះនោះទេ៕
© រក្សាសិទ្ធិដោយ thmeythmey.com