កាលពីថ្ងៃទី១៣ ខែកញ្ញា ឆ្នាំ២០២០ មានបុរសម្នាក់ដែលជាជនជាតិវៀតណាមបានបង្ហោះរូបភាព និងសកម្មភាពជីកត្បូងនិងរ៉ែ ដោយបានភ្ជាប់ទីតាំងនៅខេត្តមណ្ឌលគិរី ហើយសរសេរជាអក្សរវៀតណាម ដែលមានន័យ «ដំណើរឆ្ពោះទៅរកត្បូងស្អាតៗ ជីវិតមិនមែនជាក្តីសុបិនទេ ហើយវាមិនសាមញ្ញ និងងាយស្រួលឡើយ»។ 

 
 

តាមរយៈសេចក្តីប្រកាសព័ត៌មាន កាលពីថ្ងៃទី១៤ ខែកញ្ញា ឆ្នាំ២០២០ មន្ទីរ បដិសេធដូច្នេះថា៖«ចំពោះការជីកកកាយរ៉ែត្បូងថ្មនៅក្នុងរូបភាពខាងលើនេះ មិនមែនស្ថិតនៅក្នុងភូមិសាស្រ្តខេត្តមណ្ឌលគិរីឡើយ សូមសាធារណជនកុំមានការយល់ច្រឡំ។ ខ្លឹមសារដែលបានចុះផ្សាយទាំងនេះ គឺមានចរិតលក្ខណៈមូលបង្កាច់ខុសពីការពិត ក្នុងន័យបំភ័ន្តសាធារណមតិឲ្យមានការយល់ច្រឡំដែលធ្វើឲ្យប៉ះពាល់កិត្តិយសសា្ថប័ន ក្រសួង មន្ទីរវិស័យជំនាញពាក់ព័ន្ធ ជាពិសេសថ្នាក់ដឹកនាំខេត្តមណ្ឌលគិរី»។ 

 

មន្ទីររ៉ែនិងថាមពល កំពុងតែសហការជាមួយនឹងសមត្ថកិច្ច ដើម្បីស្វែងរកជន ដែលចុះផ្សាយព័ត៌មានមិនពិតខាងលើ យកទៅផ្តន្ទាទោសតាមច្បាប់៕