របាយការណ៍បានឲ្យដឹងថា ក្នុងចំណោមអ្នកស្លាប់ទាំង៦នាក់ មាន៤នាក់ជាសមាជិកគ្រួសារ  ដោយឪពុកឈ្មោះ យ៉ុម ញិក អាយុ៥៦ឆ្នាំ ម្ដាយឈ្មោះ ដាំ សុខណា អាយុ៥៦ឆ្នាំ កូនប្រុស ម្នាក់ឈ្មោះ យ៉ុម រ៉ាវុធ អាយុ២៦ឆ្នាំ និងកូនស្រីម្នាក់ទៀតឈ្មោះ យ៉ុម ចរិយា អាយុ២៥ឆ្នាំ។ រីឯអ្នកស្លាប់២នាក់ទៀត ជាបុរស។

 

ករណីនេះ បានកើតឡើងនៅវេលាម៉ោង៦ និង១៥នាទី ក្នុងភូមិបឹងធ្មួយ ឃុំព្រែកជីក ស្រុករុក្ខគិរី ខេត្តបាត់ដំបង ខណៈពួកគេកំពុងបរិភោគអាហារពេលល្ងាចជុំគ្នានៅខាងក្រោមផ្ទះ។ នេះបើតាម ហ្វេសប៊ុក លោក ខៀវ កាញារីទ្ធ។ 

 

ក្រៅពីនោះ ក៏មានជនរងគ្រោះ៤នាក់ផ្សេងទៀត (បុរស) ដែលត្រូវបានបញ្ជូនទៅព្យាបាលនៅឯមន្ទីរពេទ្យ។ គ្រួសារស្លាប់ និងជនរងគ្រោះរងទាំងអស់ សុទ្ធតែជាពលរដ្ឋក្នុងខេត្តបាត់ដំបង៕