ពីនេះ ពីនោះ
«អវសាន្ត» ឬ«អវសាន» មួយណាខុសមួយណាត្រូវ?
× ភាពមិនច្បាស់លាស់ក្នុងការប្រើពាក្យ «អវសាន្ត» និង«អវសាន» នៅតែកើតមានដដែល។ មានអ្នកខ្លះប្រើជា«អវសាន្ត»ទៅ ហើយខ្លះទៀតប្រើជា«អវសាន»ទៅ។ ចូរចងចាំថា ពាក្យដែលត្រូវនឹងវចនានុក្រមខ្មែរគឺ «អវសាន»មិនមែន«អវសាន្ត» ទេ។ «អវសាន» ជាទីដែលចប់, ទីបំផុត, ចុងក្រោយ, ចុងបំផុត។ អវសានកាល កាលដែលត្រូវចប់ ឬមរណកាល, អវសានកិច្ច កិច្ចដែលត្រូវចប់។
ពាក្យដែលត្រូវមានច្រើនណាស់ តែបែរជាពលរដ្ឋសរសេរខុសទៅវិញ ដោយពាក្យទាំងនោះមានដូចជាព្រាត់ប្រាស,បំផ្លើស, ចរិត, សុបិន,រង់ចាំ,សង្ហារិម,ផាសុកភាពជាដើម។ ដោយខ្មែរយើងខ្លះសរសរពាក្យទាំងនោះខុស ដោយសរសេរជា ព្រាត់ប្រាស់, បំភ្លើស,ចរិក,ចរឹក,ចរឹត,ចារឹត,សុបិន្ត, រងចាំ,សង្ហារឹម,ផាសុខភាពទៅវិញ៕
© រក្សាសិទ្ធិដោយ thmeythmey.com