កំណាព្យ
ជាតិ
×
ជាជាតិមួយដែរខ្មែរអើយរឹង
រឹងរស់កុំពឹងគេគ្រប់គ្រា
គ្រានេះដល់ល្មមព្រមវេលា
លាលែងលូនវារក្រោកប្រែងប្រឹង។
ប្រឹងរៀនហ៊ានរស់ទោះបាត់ម្ភៃ
ម្ភៃបាត់ចាត់លៃកុំព្រួតខឹង
ខឹងកុំបញ្ឆេះគួរចេះថ្លឹង
ថ្លឹងថ្លែងឲ្យដឹងឌឺដៀលឈប់។
ឈប់ដៀលឌឺដងល្បងត្រួសត្រាយ
ត្រាយត្រៀមវែងឆ្ងាយរាយរកទប់
ទប់ម្ភៃភាគរយដែលគេឈប់
ឈប់ឲ្យក៏គ្រប់យើងរស់បាន។
បានពីកម្លាំងតាំងច្បាំងច្បាស់
ច្បាស់រួមក្មេងចាស់សាងស្រុកថ្កាន
ថ្កានឈប់ពឹងគេរេរស់បាន
បានបាត់ក៏បាន EBA៕
© រក្សាសិទ្ធិដោយ thmeythmey.com