COVID-19
កីឡាអន្តរជាតិ
អន្តរជាតិ
Zlatan Ibrahimovic ឆ្លង COVID-19 ខណៈ AC Milan ឈ្នះវគ្គជម្រុះ Europa League
× Zlatan Ibrahimovic ខ្សែប្រយុទ្ធក្រុម AC Milan បានធ្វើតេស្តចេញលទ្ធផលវិជ្ជមានជំងឺ COVID-19។ ក្លិប AC Milan បញ្ជាក់ដូច្នេះនៅយប់ថ្ងៃទី២៤ ខែកញ្ញា ដោយបន្ថែមថាខ្សែប្រយុទ្ធជើងចាស់រូបនេះ កំពុងស្ថិតនៅផ្ទះដើម្បីនៅឲ្យឆ្ងាយពីគេ និងព្យាបាលជំងឺ។
លទ្ធផលវិជ្ជមាន COVID-19 របស់ខ្សែប្រយុទ្ធវ័យ៣៨ឆ្នាំរូបនេះ រកឃើញនៅក្នុងការធ្វើតេស្តជុំទី ២ បន្ទាប់ពីខ្សែការពារ Leo Duarte រកឃើញថា ឆ្លងជំងឺនេះនៅកាលពីថ្ងៃ២៣ កញ្ញា។ហើយកីឡាករនិងបុគ្គលិកទាំងអស់បានត្រលប់មកវិញនូវតេស្តអវិជ្ជមាន។
ទាំង Ibrahimovic និង Duarte ខ្សែការពារសញ្ជាតិប្រេស៊ីលសុទ្ធតែខកខានក្នុងការប្រកួតជម្រុះ Europa League ជុំទី ៣ នៅរាត្រីថ្ងៃទី២៤ កញ្ញានេះ ខណៈ AC Milan បានយកឈ្នះ Bodo/Glim ក្នុងលទ្ធផល ៣-២។
Ibrahimovic អតីតប្រធានក្រុមជម្រើសជាតិស៊ុតអែត រកបានដល់ទៅ ២ គ្រាប់ម្នាក់ក្នុងជ័យរបស់ AC Milan លើក្រុម Bologna ២-០ ក្នុងក្របខណ្ឌ Serie A មុនពេលរូបគេឆ្លង COVID-19 នេះ។
កីឡាករដែលគេឲ្យរហស្សនាមថា«លោកព្រះ» បានយល់ព្រមបន្តកិច្ចសន្យារយៈពេលមួយឆ្នាំទៀតជាមួយក្លិបយក្សអ៊ីតាលីមួយនេះកាលពីខែមុន៕
Tag:
Zlatan Ibrahimovic
COVID-19
AC Milan
© រក្សាសិទ្ធិដោយ thmeythmey.com