ដើម្បីជ្រាបច្បាស់ សូមអញ្ជើញទស្សនាបទសម្ភាស រវាងលោក ប៉ាន់ បូនី អ្នកសារព័ត៌មានThmeyThmey25 ជាមួយលោក ព្រហ្ម សុភី មន្រ្តីការពារបេតិកភណ្ឌប្រចាំរមណីយដ្ឋានក្បាលស្ពានដូចតទៅ៖
 

 

ក្នុងបទសម្ភាសជាមួយ ThmeyThmey25 លោក សុភី បានឲ្យដឹងថា រមណីយដ្ឋាន«ក្បាលស្ពាន» មានឈ្មោះម្យ៉ាងទៀតថា«សហស្រលិង្គ» ដែលបានកសាងឡើងនៅសតវត្សទី១១ និងសតវត្សទី១៣ ក្នងរជ្ជកាលព្រះបាទសុរិយវរ្ម័នទី១ និងកសាងរួចជាស្ថាពរដោយព្រះបាទឧទយាទិត្យវរ្ម័នទី២។ 
 

លោក ព្រហ្ម សុភី មន្ត្រីការពារតំបន់បេតិកភណ្ឌដែលធ្វើការនៅទីនេះជិត ១០ឆ្នាំមកហើយនោះ បានប្រាប់ ThmeyThmey25 ថា ទឹកធ្លាក់នេះអាស្រ័យលើទឹកភ្ញៀង និងប្រភពទឹកហូរពីស្រុកចំនួន៣ មានស្រុកបន្ទាយស្រី ស្រុកវ៉ារិន និងស្រុកពាក់ស្នែង ហូរចាក់ទៅភ្នំដី រួចឆ្ពោះទៅកាន់បឹងទន្លេសាប«។ មានចម្ងាយ ១២០ម៉ែត្រ មានរូបចម្លាក់ច្រើនប្រភេទដូចជា ព្រះវិស្ណុ ព្រះសិវៈ ក្រពើ ជាដើម»។ 


 

ដើម្បីទៅដល់កន្លែងទឹកធ្លាក់ដែលមានចម្លាក់ដ៏អស្ចារ្យ នៅតាមទឹកហូរ ដែលមានអាយុកាលរាប់ពាន់ឆ្នាំនេះ អ្នកទេសចរ អាចធ្វើដំណើរថ្មើរជើងពីជើងភ្នំក្បាលស្ពាន ដោយឆ្លងកាត់ព្រៃភ្នំ និងផ្ទាំងថ្មផង ដែលមានចម្ងាយប្រមាណ ១ ៥០០ម៉ែត្រ៕