នាយករដ្ឋមន្ត្រីកូរ៉េខាងត្បូង ទទូចឲ្យកូរ៉េខាងជើង ស៊ើបអង្កេតរួមគ្នាលើករណីស្លាប់មន្ត្រីនេសាទ

សង្គមអន្តរជាតិ

អន្តរជាតិ

នាយករដ្ឋមន្ត្រីកូរ៉េខាងត្បូង ទទូចឲ្យកូរ៉េខាងជើង ស៊ើបអង្កេតរួមគ្នាលើករណីស្លាប់មន្ត្រីនេសាទ

28, Sep 2020 , 1:59 pm

រូបភាព

នាយករដ្ឋមន្រ្តីកូរ៉េខាងត្បូង លោកChung Sye-kyun។ រូបភាព៖ Yonhap

ដោយ: ធៀន ភារិន្ទ

ការស៊ើបអង្កេតរួមគ្នារវាងប្រទេសកូរ៉េខាងពីរ លើករណីស្លាប់មន្ត្រីនេសាទកូរ៉េខាងត្បូង គួរតែធ្វើឲ្យបានឆាប់បំផុត។ នាយករដ្ឋមន្ត្រីកូរ៉េខាងត្បូង បានលើកឡើងបែបនេះ នៅថ្ងៃទី២៨ ខែកញ្ញា បន្ទាប់ពីកូរ៉េខាងជើង បានទាមទារឲ្យកូរ៉េខាងត្បូងផ្អាកសកម្មភាពរុករកសាកសពមន្ត្រីនេសាទរបស់ខ្លួននៅតំបន់ព្រំដែនសមុទ្រនៃកូរ៉េខាងពីរ។

អត្ថបទទាក់ទង

កូរ៉េខាងជើង ព្រមានកូរ៉េខាងត្បូងជុំវិញការបំពានដែនទឹករបស់ខ្លួន

កូរ៉េខាងត្បូង ទាមទារឲ្យកូរ៉េខាងជើងស៊ើបបន្ថែមលើករណីបាញ់សម្លាប់មន្រ្តីខ្លួន

លោក គីម សុំទោសលោក មូន ចំពោះការបាញ់សម្លាប់មន្ត្រីកូរ៉េខាងត្បូងម្នាក់

កូរ៉េខាងជើង បាញ់សម្លាប់មន្ត្រីកូរ៉េខាងត្បូងម្នាក់ រួចដុតសាកសពចោល

កូរ៉េខាងត្បូង នៅតែមិនបោះបង់ការរុករកសាកសាពមន្ត្រីស៊ីវិលរបស់ខ្លួនដែលបាត់ខ្លួននៅក្បែរព្រំដែនសមុទ្រជាមួយកូរ៉េខាងជើង ហើយស្នើម្ដងហើយម្ដងទៀតឲ្យមានការស៊ើបអង្កេតរួមគ្នាលើករណីនេះ។

នៅថ្ងៃទី២៨ ខែកញ្ញា នាយករដ្ឋមន្ត្រីកូរ៉េខាងត្បូង លោក Chung Sye-kyun បានលើកឡើងជាថ្មីជុំវិញការស៊ើបអង្កេតរួមគ្នានេះ។

«កូរ៉េខាងទាំងពីរ មិនអាចបង្កើតសន្តិភាពបានទេ តាមរយៈការទំនាក់ទំនងធម្មតា។ ដើម្បីបង្ការឧបទ្ទវហេតុ ដែលវិវត្តទៅជាស្ថានភាពធ្ងន់ធ្ងរ ការស៊ើបអង្កេតស្វែងរកការពិតត្រូវតែធ្វើឡើងឲ្យបានឆាប់បំផុត»។ លោក Chung បានលើកឡើងយ៉ាងដូច្នេះនិយាយនៅក្នុងកិច្ចសម្ភាសតាមវិទ្យុមួយមួយ។ ក្នុងន័យនេះ លោកនាយករដ្ឋមន្ត្រី ទាមទារឲ្យកូរ៉េទាំងពីរបើកការស៊ើបអង្កេតរួមគ្នា លើករណីស្លាប់របស់មន្ត្រីកូរ៉េខាងត្បូង។ នេះបើតាមការចុះផ្សាយរបស់ទីភ្នាក់ងារព័ត៌មាន Yonhap។

ទន្ទឹមគ្នានេះ លោកនាយករដ្ឋមន្ត្រី បានអះអាងថា ភាគីកូរ៉េទាំងពីរគួរតែទទួលយកលទ្ធផល ដែលកើតកើតចេញពីការស៊ើបអង្កេតនេះ ហើយក៏គ្មានហេតុផលអ្វី ដែលមិនអាចឲ្យកូរ៉េទាំងពីរបើកការស៊ើបអង្កេតរួមគ្នាបានដែរ។ ក្រៅពីនេះ លោក Chung ក៏បានលើកឡើងពីសារៈសំខាន់នៃការស្ដារប្រព័ន្ធទំនាក់ទំនងពិសេសរវាងកូរ៉េខាងទាំងពីរផងដែរ ដើម្បីបង្ការឧប្បទ្ទវហេតុ ជម្លោះ និងរាយការណ៍ព័ត៌មានផ្សេងៗ។

ចំណែកកូរ៉េខាងជើងនៅថ្ងៃទី២៧ ខែកញ្ញា បានព្រមាន កូរ៉េខាងត្បូងឲ្យបញ្ឈប់សកម្មភាពរុករកសាកសពមន្ត្រីនេសាទ ព្រោះសកម្មភាពនេះបានបំពានដែនទឹករបស់កូរ៉េខាងជើង។ កូរ៉េខាងត្បូង បានប្រើប្រាស់កប៉ាល់ចំនួន៣៩គ្រឿង ដោយរួមមាន នាវាយោធា១៦គ្រឿង និងយន្តហោះ ៦គ្រឿងដើម្បីស្វែងរកសាកសពមន្ត្រីរបស់ខ្លួន ក្រោយកូរ៉េខាងជើងអះអាងថា ខ្លួនមិនបានដុតសាកសពឡើយ។

សូមបញ្ជាក់ថា កូរ៉េខាងត្បូង និងអាមេរិក ក៏នឹងមានការពិភាក្សាជាមួយគ្នាជុំវិញបញ្ហាបាញ់សម្លាប់មន្ត្រីនេសាទនេះ និងលទ្ធភាពនៃការផ្តល់ជំនួយមនុស្សធម៌ដល់កូរ៉េខាងជើងឡើងវិញ៕