សមត្ថកិច្ចកំពុងតាមចាប់មន្ត្រីនគរបាលខណ្ឌដូនពេញម្នាក់ ដែលបាញ់សម្លាប់ជាងកាត់សក់ នៅទួលគោក

ជាតិ

សង្គមជាតិ

សមត្ថកិច្ចកំពុងតាមចាប់មន្ត្រីនគរបាលខណ្ឌដូនពេញម្នាក់ ដែលបាញ់សម្លាប់ជាងកាត់សក់ នៅទួលគោក

28, Sep 2020 , 11:57 am

រូបភាព

សាច់ញាតិជនរងគ្រោះ កំពុងយំស្រែកនិងឱបជនរងគ្រោះដែលត្រូវគេបាញ់សម្លាប់(ជនរងគ្រោះគ្មានអាវ ដេកដួលលើដី)

ដោយ: ឡាយ សុភាវតី

ភ្នំពេញ៖ លោក ឆាយ គឹមខឿន អគ្គស្នងការរងនៃអគ្គស្នងការដ្ឋាននគរបាលជាតិអះអាងថា សមត្ថកិច្ចកំណត់អត្តសញ្ញាណជនសង្ស័យ ដែលបាញ់សម្លាប់ជាងកាត់សក់នៅទួលគោកបានហើយ។ បច្ចុប្បន្នសមត្ថកិច្ចកំពុងស្រាវជ្រាវរកជនសង្ស័យ ដើម្បីសាកសួរតាមនីតិវិធីនៃច្បាប់។

លោក ឆាយ គឹមខឿន ថ្លែងប្រាប់សារព័ត៌មានថ្មីៗនៅថ្ងៃទី២៨កញ្ញានេះថា ជនសង្ស័យជាមន្រី្តនគរបាលខណ្ណដូនពេញ ប៉ុន្តែលោកមិនចាំឈ្មោះជនសង្ស័យឡើយ។ «ជនសង្ស័យជាមន្រី្តនគរបាលប៉ុស្តិ៍វត្តភ្នំ ខណ្ឌដូនពេញ»។ នេះបើតាមការលើកឡើងរបស់លោក លោក ឆាយ គឹមខៀន ដោយបានអះអាងបបន្ថែមថា សមត្ថកិច្ចនឹងឃាត់ជនសង្ស័យបានក្នុងពេលឆាប់ៗនេះ ប្រសិនបើជនសង្ស័យស្ថិតនៅក្នុងប្រទេស។

សូមបញ្ជាក់ថា កាលពីថ្ងៃទី២៦កញ្ញា បុរសជាងកាត់សក់ឈ្មោះ សុខ សុកេន ត្រូវបានជនសង្ស័យបាញ់ស្លាប់ភ្លាមៗនៅជិតសាលារៀនទួលគោក៕