អន្តរជាតិ
កុងតឺន័រដឹកសំរាមពីអង់គ្លេសនៅស្រីលង្កា។ រូបភាព AFP
×![]()
ដោយ៖កង ម៉េងហុង
ស្រីលង្កា បានបញ្ជូនកុងតឺន័រជាច្រើនទូដែលមានផ្ទុកសំរាមពុលត្រឡប់ទៅរបស់ចក្រភពអង់គ្លេស។ មន្ត្រីគយស្រីលង្កា និយាយនៅថ្ងៃទី២៧ ខែកញ្ញាថា កុងតឺន័រនេះ ត្រូវបាននាំមកកាន់ស្រីលង្កាដោយរំលោភបំពានលើច្បាប់អន្តរជាតិដែលគ្រប់គ្រងលើការដឹកជញ្ជូនទំនិញមានគ្រោះថ្នាក់។
មន្ត្រីគយរបស់ប្រទេសស្រីលង្កា បានប្រាប់ទីភ្នាក់ព័ត៌មាន AEP ថា កុងតឺន័រចំនួន ២១ ដែលមានផ្ទុកសំរាមចំនួន ២៦០ តោន បានមកដល់កំពង់ផែគោលនៃរដ្ឋធានីកូលឡុំបូចន្លោះពីខែកញ្ញាឆ្នាំ ២០១៧ និងខែមិនា ឆ្នាំ ២០១៨ ហើយកុងតឺន័រទាំងនោះ ត្រូវបានបញ្ជូនចេញពីប្រទេសស្រីលង្កាកាលពីថ្ងៃទី២៦ ខែកញ្ញា។
បើតាមមន្ត្រីស្រីលង្កា តាមពិតទៅ ទូកុងតឺន័រទាំងនោះ ត្រូវផ្ទុក ពូក ព្រំ និងកំរាលព្រំដែលប្រើរួចប៉ុណ្ណោះ។ ប៉ុន្តែក្រោយបើកមើលហើយ គេឃើញក៏មានសំណល់របស់មន្ទីរពេទ្យនៅក្នុងកុងតឺន័រផងដែរ។
៖ « ចក្រភពអង់គ្លេសបានយល់ព្រមនាំយកកុងតឺន័រទាំង ២១ នោះត្រឡប់ទៅវិញហើយ។ ជាមួយគ្នានេះផងដែរ យើងកំពុងធ្វើការដើម្បីទទួលបានសំណងពីអ្នកដែលទទួលខុសត្រូវក្នុងការយកកុងតឺន័រចូលក្នុងប្រទេស»។ អ្នកនាំពាក្យគយស្រីលង្កាលោក Sunil Jayaratne និយាយបែបនេះនៅថ្ងៃទី២៧ ខែកញ្ញា។
ទាក់ទិននឹងបញ្ហានេះ គយស្រីលង្កាមិនបានបង្ហាញថា កាកសំណល់ក្នុងទូ ជាប្រភេទនៃកាកសំណល់នៅមន្ទីរពេទ្យនោះទេ។ ប៉ុន្តែក្នុងករណីមុនៗ កុងតឺន័រដែលបាននាំចូលដោយខុសច្បាប់មានទាំងក្រណាត់កន្ទប បង់រុំរបួស និងផ្នែករាងកាយរបស់សាកសពទៀតផង។
ជាមួយគ្នានោះ ទូកុងតឺន័រចំនួន ២៤២ ទៀតដែលដឹកមកពីចក្រភពអង់គ្លេស ហើយដែលរដ្ឋាភិបាលស្រីលង្កាអះអាងថា ដឹកសំរាមខុសច្បាប់បំពានច្បាប់អន្ដរជាតិដែរនោះ កំពុងស្ថិតនៅឯកំពង់ផែមួយនិងនៅឯតំបន់ពាណិជ្ជកម្មសេរីមួយទៀតនៅក្រៅរដ្ឋធានីកូឡុំបូ។ កុងតឺន័រទាំងនេះ ត្រូវបាននាំចូលនៅចន្លោះឆ្នាំ២០១៧ និង២០១៨ ។ បច្ចុប្បន្ន រដ្ឋាភិបាលក្រុងកូឡុំបូ កំពុងធ្វើសកម្មភាពផ្លូវច្បាប់ប្រឆាំងអ្នកដឹកកុងតឺន័រទាំងនេះដើម្បីយកចេញពីប្រទេស។
ស្រីលង្កា ជាគៅលដៅនៃការនាំចូលសំរាមគ្រោះថ្នាក់ដែលដឹកចេញពីប្រទេសអ្នកមានខ្លះ។ ប្រទេសជាច្រើននៅអាស៊ី មានអារម្មណ៍មិនល្អដោយសារប្រទេសរបស់ខ្លួនបានក្លាយជាគំនរសំរាមរបស់ប្រទេសអ្នកមានទ្រព្យសម្បត្តិស្តុកស្តម្ភនៅក្នុងរយៈពេល ២ ឆ្នាំកន្លងមកនេះ ហើយបានចាប់ផ្ដើមបញ្ជូន ឬបដិសេធទទួលយកកុងតឺន័រដឹកកាកសំណល់នេះ៕
© រក្សាសិទ្ធិដោយ thmeythmey.com
«ប្រេសិត»មានន័យដូចម្តេច?
4 ថ្ងៃ
