ជាតិ
សង្គមជាតិ
សមត្ថកិច្ចឃាត់ខ្លួនជនជាតិវៀតណាមម្នាក់ ដែលលាក់ទុកក្រឡចាស់ៗ ក្រោយរកឃើញពីបាតសមុទ្រ
ក្រឡចាស់ៗជិត៣០០ក្រឡដែលជនជាតិវៀតណាមរក្សាទុកក្នុងផ្ទះស្ថិតនៅខេត្តព្រះសីហនុត្រូវបានសមត្ថកិច្ចប្រមូលទុកដើម្បីដោះស្រាយតាមនីតិវិធីច្បាប់ រូបភាពពីលោក ឃាង ភារម្យ
×![]()
ភ្នំពេញ៖ សមត្ថកិច្ច ឃាត់ខ្លួនជនជាតិវៀតណាមម្នាក់ ដែលបានលាក់ទុកក្រឡចាស់ៗជិត៣០០ ដើម្បីសាកសួរ និងដោះស្រាយតាមនីតិវិធីច្បាប់។ ជនសង្ស័យនេះ បានលាក់ទុកក្រឡទាំងនោះ នៅក្នុងផ្ទះ នាផែរូយ៉ាល់ក្រុម៣១ ភូមិ៣ សង្កាត់៣ ក្រុងព្រះសីហនុ។ នេះបើតាមការបញ្ជាក់ពីលោក ឃាង ភារម្យ អ្នកនាំពាក្យសាលាខេត្តព្រះសីហនុ។ 
លោក ឃាង ភារម្យ អ្នកនាំពាក្យសាលាខេត្តព្រះសីហនុ មិនទាន់អាចបញ្ជាក់ថា ក្រឡចាស់ៗនោះមានប្រភព និងអាយុកាលប៉ុន្មានឡើយ។ បើតាមលោក ភារម្យ ក្រុមសមត្ថកិច្ច កំពុងតែសហការជាមួយនឹងមន្ទីរវប្បធម៌ និងវិចិត្រសិល្បៈខេត្តព្រះសីហនុ ដើម្បីកំណត់រកអត្តសញ្ញាណ អាយុកាល និងប្រភពនៃក្រឡចាស់ៗនោះ។
ក្រឡចាស់ៗដែលត្រូវបានរកឃើញនៅក្នុងផ្ទះជនសង្ស័យ រូបភាពពីលោក ឃាង ភារម្យ អ្នកនាំពាក្យសាលាខេត្តព្រះសីហនុ
លោក ឃាង ភារម្យបានរៀបរាប់ដូច្នេះថា«សមត្ថកិច្ច ឬក៏មន្ត្រីជំនាញកំពុងធ្វើកោសល្យវិច័យលើវត្ថុនោះសិនថាវាជាវត្ថុបុរាណ ឬប្រភពក្រឡនោះមកពីណាៗ។ បើគេសាកសួរគាត់ទៅគាត់មានបទល្មើស ពិតជាសារភាពថារក្សាទុកវត្ថុបុរាណនោះ តុលាការក៏ត្រូវសម្រេចកាត់ទោសបន្តទៀតហើយ»។
ជនសង្ស័យ រកឃើញក្រឡចាស់ៗនោះ ពីបាតសមុទ្រ ហើយយកមករក្សាទុកក្នុងផ្ទះ។ ប៉ុន្តែយ៉ាងណាសមត្ថកិច្ចនឹងបន្តស្រាវជ្រាវបន្ថែមទៀតផងដែរ។ នេះបើតាមលោក ឃាង ភារម្យ៕
Tag:
ក្រឡ
© រក្សាសិទ្ធិដោយ thmeythmey.com
