ក្រុមហ៊ុន Kulara Water (​អូ​គូលែន​) ជា​ក្រុមហ៊ុន​ទទួលបាន​ពានរង្វាន់​ក្រុមហ៊ុន​មាន​ទំនួល​ខុសត្រូវ​នៅ​អាស៊ី​ឆ្នាំ​២០២០
អត្ថបទពាណិជ្ជកម្ម
ក្រុមហ៊ុន Kulara Water (​អូ​គូលែន​) ជា​ក្រុមហ៊ុន​ទទួលបាន​ពានរង្វាន់​ក្រុមហ៊ុន​មាន​ទំនួល​ខុសត្រូវ​នៅ​អាស៊ី​ឆ្នាំ​២០២០
30, Sep 2020 , 9:59 am        
រូបភាព
​ក្រុមហ៊ុន Kulara Water (​អូ​គូលែន​) ទទួលបាន​ពានរង្វាន់​ល្បីៗ​ចំនួន​ពីរ​នៅក្នុងពេល​តែមួយ​ឆ្នាំ​។ Cambodianess បាន​ទៅ​ជួប​សម្ភាសន៍ លោក​បណ្ឌិត Jacques Marcille ដែលជា​អគ្គនាយក​ក្រុមហ៊ុន និង លោក Chheng Nimith ដែល​ធ្វើការ​ជា​អ្នកផ្ដល់​ប្រឹក្សា​ជូន​ក្រុមហ៊ុន​ផលិត​ទឹករ៉ែ​ធម្មជាតិ​លើកដំបូង​នេះ​នៅក្នុង​ព្រះរាជាណាចក្រ​កម្ពុជា​។ នេះ​គឺជា​ឱកាស​មួយ​ក្នុងការ​ស្វែងយល់​បន្ថែម​ទៀត​អំពី​គុណវុឌ្ឍិ​ជារួម​របស់​ក្រុមហ៊ុន​ដែលមាន​វ័យក្មេង​មួយ​នេះ បង្កើតឡើង​នៅ​ឆ្នាំ​២០១៣​។​

​សូម​អញ្ជើញលោក​អ្នកតាមដាន​កិច្ច​សម្ភាស​រវាង Cambodianess និង​លោក លោក​បណ្ឌិត Jacques Marcille ដែលជា​អគ្គនាយក​ក្រុមហ៊ុន និង លោក Chheng Nimith ដែល​ធ្វើការ​ជា​អ្នកផ្ដល់​ប្រឹក្សា​ជូន​ក្រុមហ៊ុន Kulara Water ដូចតទៅ​៖ 
 
Cambodianess ៖ ក្រុមហ៊ុន Kulara Water បានទទួល​ពានរង្វាន់​ធំៗ​ចំនួន​ពីរ​នៅក្នុងពេល​តែមួយ​ឆ្នាំ តើ​ពានរង្វាន់​ទាំងនេះ​មាន​អត្ថន័យ​យ៉ាងណា​ចំពោះ​លោក​?

បណ្ឌិត Jacques Marcille៖ មនុស្ស​យើង​ពិតជា​ត្រូវការ​ឲ្យ​មានការ​ទទួលស្គាល់​… ហើយ​ពានរង្វាន់​ល្អ​ជាងគេ​ដែល​យើង​អាច​ទទួលបាន គឺ​ការទទួលស្គាល់​ពិតប្រាកដ​លើ​ម៉ាក​ផលិត​របស់​យើងខ្ញុំ និង​លើ​ទំនាក់ទំនង​ប្រកបដោយ​ភាពជឿជាក់ ដែល​ខ្ញុំ​យើង​បាន​ខិតខំ​កសាងឡើង​អស់​រយៈពេល​ជាច្រើន​ឆ្នាំ​កន្លងមកនេះ​ជាមួយ​ដៃគូ​ផ្សេងៗ​របស់​យើង​។
ពានរង្វាន់​លើក​ទី​១​ដែល​យើងខ្ញុំ​ទទួលបាន​នៅ​ឆ្នាំ​២០១៩ នៅក្នុង​កម្រិត​ប្រទេស ក្នុងការ​ប្រកួតប្រជែង​មួយ ដែល​រៀបចំ​ដោយ​សភាពាណិជ្ជកម្ម​អឺរ៉ុប (​ជា​សភាពាណិជ្ជកម្ម​នាំមុខគេ​មួយ​នៅក្នុង​ប្រទេស​កម្ពុជា​) គឺជា​ការទទួលស្គាល់​លើ​វិធីសាស្ត្រ​រួម​របស់​ក្រុមហ៊ុន ខាង​ផ្នែក​បរិ​យា​ប័ន្ន​ភាព​សង្គម ការអភិវឌ្ឍ​សហគមន៍ និង​ការការពារ​ប្រភពធនធាន ហើយ​លើសពី​អ្វីៗ​ទាំងអស់នេះ គឺ​ការសម្រេចបាន​ជោគជ័យ​ជាក់ស្ដែង​របស់​យើងខ្ញុំ តាំងពី​អូ​គូលែន​របស់​យើងខ្ញុំ​បាន​ចាប់​ផលិត​និង​ចេញលក់​នៅ​ឆ្នាំ​២០១៣​។ ពានរង្វាន់​ថ្មី​នេះ ដែល​យើងខ្ញុំ​ទទួលបាន​ក្នុង​កម្រិត​សាកល នៅក្នុង​ការប្រកួតប្រជែង​មួយ​ដែល​បើកចំហ​ចំពោះ​បណ្ដា​ប្រទេស​អាស៊ី​ជាច្រើន ពិតជា​បញ្ជាក់​បន្ថែមទៀត​ថា តើ​គុណវុឌ្ឍិ​ខាង​ផ្នែក​សេដ្ឋកិច្ច និង​សង្គម​របស់​ក្រុមហ៊ុន​យើងខ្ញុំ​ពិត​ជាមាន​ភាពល្អ​ឯក​យ៉ាងណា​។​
​លោក Chheng Nimith ៖ លោក Jacques និង​ខ្ញុំ ពិត​ជាមាន​ភាពជឿជាក់​ដូចគ្នា​។ យើងខ្ញុំ​មិនមែន​រត់តាម​ចង់តែ​បាន​ពានរង្វាន់​នោះទេ ក្រុមហ៊ុន Kulara Water គឺជា​ក្រុមហ៊ុន​នាំមុខ និង​ជា​ក្រុមហ៊ុន​ជោគជ័យ​មួយ ដែល​បាន​ខិតខំ​បង្ហាញ​ឲ្យ​ឃើញ ក្នុង​រយៈពេល​តែ​ប៉ុន្មាន​ឆ្នាំ​ប៉ុណ្ណោះ នូវ​សមធម៌ និង​ទំនួល​ខុសត្រូវ​សង្គម នេះ​គឺ​ពិតជា​ផ្សារភ្ជាប់​ទៅនឹង​គុណវុឌ្ឍិ និង​សមត្ថភាព​នវានុវត្តន៍​។ តាមរយៈ​ពានរង្វាន់​ទាំងពីរ​នេះ យើងខ្ញុំ​នៅតែ​បន្តម​ហិ​ច្ឆិ​តា​ចង់បង្ហាញ​ឲ្យ​ឃើញថា អ្វី​ក៏ដោយ គឺអាច​ទៅរួច​នៅក្នុង​ព្រះរាជាណាចក្រ​កម្ពុជា ប្រសិនបើ​យើង​មាន​ចក្ខុវិស័យ​ធុរកិច្ច​ត្រឹមត្រូវ​មួយ​។ ពានរង្វាន់​ទាំងពីរ​នេះ​ក៏​តំណាង​ឲ្យ​ផងដែរ នូវ​ឱកាសល្អ​ខ្លាំង​មួយ​ក្នុងការ​ផ្ដល់​ជា​គំនិត​នៃ​ការអនុវត្ត​ល្អៗ និង​ចែករំលែក​តម្លៃ​នៃ​ឧត្តមភាព​របស់​ក្រុមហ៊ុន​យើងខ្ញុំ និង​ភាតរភាព​ដែលជា​ស្នូល​នៃ​ជោគជ័យ​របស់​ក្រុមហ៊ុន Kulara Water​។​

 
Cambodianess ៖ ក្រុមហ៊ុន Kulara Water និង​ក្រុមហ៊ុន Smart Axiata គឺជា​ក្រុមហ៊ុន​ខ្មែរ​តែ​ពីរ​គត់​ដែល​បានទទួល​ពានរង្វាន់​នៅ​ឆ្នាំនេះ នៅក្នុង​ការប្រកួតប្រជែង​ដណ្ដើម​ពានរង្វាន់​ជា​ក្រុមហ៊ុន​មាន​ទំនួល​ខុសត្រូវ​នៅ​អាស៊ី​ឆ្នាំ​២០២០ តើ​លោក​អាច​ពន្យល់បាន​ដូច​ម៉េ្ដ​ច​ថា អ្វី​ដែលជា​ភាពខុសគ្នា​រវាង​ក្រុមហ៊ុន​ទាំងពីរ​នេះ និង​ក្រុមហ៊ុន​បេក្ខភាព​ជាច្រើន​ផ្សេងទៀត​ដែល​បាន​ចូលរួម​ប្រកួតប្រជែង​ដែរនោះ​?  
 
បណ្ឌិត Jacques Marcille ៖ ធុរកិច្ច​ជោគជ័យ ជា​ញឹកញាប់ តែងតែ​ផ្សារភ្ជាប់​ទៅនឹង​សមត្ថភាព​របស់​ធុរកិច្ច​នោះ ក្នុងការ​នាំមក​នូវ​ការផ្លាស់ប្ដូរ​ជា​វិជ្ជមាន ដើម្បី​ជា​ផលប្រយោជន៍​របស់​មនុស្ស​ច្រើន​គ្នា​។ ក្រុមហ៊ុន Smart Axiata ពិតជា​ធ្វើ​បានល្អ​ខ្លាំងណាស់ ជាពិសេស​ខាង​ផ្នែក​ពង្រឹង​សង្គម និង​ការប្តេជ្ញា​របស់​ក្រុមហ៊ុន​ដោយ​ស្ម័គ្រចិត្ត និង​ប្រកបដោយ​ន​វា​នុ​វត្ត​ភាព ទៅលើ​ទំនួល​ខុសត្រូវ​សង្គម ដែលជា​លក្ខខណ្ឌ​មួយ នាំ​ឲ្យ​ក្រុមហ៊ុន​នេះ​ទទួលបាន​ពានរង្វាន់ ព្រមទាំង​ចែករំលែក​ក្នុង​ទ្រង់ទ្រាយ​ធំ ដើម្បី​ផ្ដល់​គំនិត​ដល់​ក្រុមហ៊ុន​ផ្សេងទៀត​ដើម្បី​ធ្វើ​ឲ្យ​បាន​ច្រើនជាង​នេះ ក្នុងការ​ប្ដេជ្ញា​របស់ខ្លួន​ជា​ក្រុមហ៊ុន​មាន​ទំនួល​ខុសត្រូវ​សង្គម​។ ពាក់ព័ន្ធ​នឹង​ក្រុមហ៊ុន​របស់​យើងខ្ញុំ​វិញ ខ្ញុំ​គិតថា សំណុំ​ឯកសារ​បេក្ខភាព​របស់​ក្រុមហ៊ុន​យើងខ្ញុំ​បាន​លេចធ្លោ​ជាងគេ​នៅក្នុង​ការប្រកួតប្រជែង​នេះ ក៏​ដោយសារតែ​ចក្ខុវិស័យ​ដ៏​ល្អ​ឯក​តែមួយគត់​របស់​យើងខ្ញុំ ការអភិវឌ្ឍ​នៃ​គំរូ និង​គុណវុឌ្ឍិ​ប្រកបដោយ​បរិ​យា​ប័ន្ន​។ 


 
​លោក Chheng Nimith ៖ មាន​អ្វីមួយ​ពិសេស​ខ្លាំងណាស់​អំពី​ក្រុមហ៊ុន Kulara Water គឺ​លក្ខណៈ​មួយ​ដែល​កម្រ​មាន ហើយ​ដែល​ខ្ញុំ​កម្រ​នឹង​សង្កេតឃើញ​ណាស់​នៅក្នុង​រយៈពេល​១៧​ឆ្នាំ​នៃ​ការងារ​ផ្ដល់​ប្រឹក្សា​របស់ខ្ញុំ​ខាង​ផ្នែក​ធុរកិច្ច ដែល​ខ្ញុំ​ធ្លាប់​បានធ្វើ​កន្លងមក​។ ការប្តេជ្ញា​របស់​ក្រុមហ៊ុន Kulara Water ទៅលើ​ការអភិវឌ្ឍ​ប្រកបដោយ​និ​រត្តរ​ភាព និង​ទំនួល​ខុសត្រូវ​សង្គម គឺមាន​លក្ខណៈ​ចេញពី​ចិត្ត​តាមបែប​ធម្មជាតិ និង​ធ្វើ​ហួស​ពី​ក្របខ័ណ្ឌ​សកម្មភាព​ការងារ​ដែល​បានរៀបចំ​ឡើងទៅ​ទៀត​។ ការប្តេជ្ញា​ទាំងនោះ គឺជា​ការប្តេជ្ញា​ដែលមាន​ការយល់ឃើញ​សមស្រប ត្រឹមត្រូវ ហើយ​ដែល​ចេញ​ផ្ទា​ល់ពី​បេះដូង​របស់​ថ្នាក់ដឹកនាំ​ជាន់ខ្ពស់​របស់​ក្រុមហ៊ុន​តែម្ដង​។​
 
Cambodianess ៖ តើ​លោក​ដឹង​ទេ​ថា អ្វីដែល​ទាក់ទាញ​ចំណាប់អារម្មណ៍​ជាពិសេស​របស់​គណៈកម្មាធិកា​រ​វាយតម្លៃ​ពានរង្វាន់ AREA? 


​បណ្ឌិត Jacques Marcille ៖ យើងខ្ញុំ​ជឿជាក់ថា លក្ខណៈ​ជា​ក្រុមហ៊ុន​មាន​ទំនួល​ខុសត្រូវ​សង្គម អាច​កើតឡើង​ក្នុង​ទម្រង់​ជាច្រើន​ដែល​ក្រុមហ៊ុន​តូច​ឬ​ធំ អាច​ចូលរួម ដើម្បី​កសាង​ពិភពលោក​មួយ​ដែលមាន​ភាពយុត្តិធម៌ និង​ស្មើរ​គ្នា​ជាង​នេះ ដើម្បី​ផ្ដល់​ផលប្រយោជន៍​ដល់​មនុស្ស​ភាគច្រើន​។ នេះ​គឺជា​អ្វីដែល​យើង​បាននិងកំពុង​ធ្វើ ហើយ​ជា​អ្វីដែល​យើង​បាន​យកចិត្តទុកដាក់​ចែករំលែក និង​ផ្ដល់​ជា​គំនិត​ក្នុងការ​អនុវត្ត​ល្អៗ​ទាំងឡាយ​។  
 
លោក Chheng Nimith ៖ ការប្តេជ្ញា​របស់​ក្រុមហ៊ុន Kulara Water ពិត​ជាមាន​លក្ខណៈ​ល្អ​ឯក​ខ្លាំងណាស់ និង​ឆ្លើយតប​ទៅនឹង​បញ្ហា​ប្រឈម​ធំៗ​ជាច្រើន​ដូចជា ភាពជា​អ្នកដឹកនាំ ការធានា​នូវ​គុណភាព​និង​ន​វា​នុ​វត្ត​ភាព ការការពារ​ប្រភពធនធាន​និង​ជីវៈចម្រុះ ការដាំ​ដើមឈើ​ឡើងវិញ ការការពារ​គុណភាព​ដី និង​ការ​បំផុសបំផុល​យុវជន​ឲ្យ​យល់ដឹង​អំពី​បរិស្ថាន ការអភិវឌ្ឍ​សហគមន៍ និង​បរិ​យា​ប័ន្ន​ភាព​សង្គម សុខុមាលភាព​រប​ស់បុ​គ្គ​លិ​ក ការលើកស្ទួយ​និង​អភិរក្ស​បេតិកភណ្ឌ​វប្បធម៌ ។​ល​។



ខ្ញុំ​គិតថា គណៈកម្មាធិការ​វាយតម្លៃ​ពានរង្វាន់​ក្រុមហ៊ុន​មាន​ទំនួល​ខុសត្រូវ​សង្គម​នៅ​អាស៊ី ពិតជា​ពេញចិត្ត​ពិសេស​ចំពោះ​វិធីសាស្ត្រ​ជារួម​របស់​ក្រុមហ៊ុន​យើងខ្ញុំ និង​កម្មវិធី​សាជីវកម្ម​ជាច្រើន ព្រមទាំង​ទៅលើ​គោលនយោបាយ​របស់​ក្រុមហ៊ុន​យើងខ្ញុំ ពាក់ព័ន្ធ​នឹង​សុខុមាលភាព​របស់​បុគ្គ​លិ​ក ការអភិវឌ្ឍ​ចំណេះ​ជំនាញ ការទទួលស្គាល់​លើ​ទេពកោសល្យ​បុគ្គលិក និង​ការផ្លាស់ប្ដូរ​តំឡើង​តំណែង​នៅក្នុង​ក្រុមហ៊ុន​ជាដើម​។ 
 
Cambodianess ៖ តើ​អ្វី​ជា​គោលដៅ​ដែល​លោក​រំពឹង​ចង់​ស​ម្រ​ច​ឲ្យ​បាន​ទៅ​ថ្ងៃ​អនាគត​? 
 
បណ្ឌិត Jacques Marcille ៖ ក្នុងនាម​ជា​ក្រុមហ៊ុន​នាំមុខ​មួយ យើងខ្ញុំ​ជឿជាក់ថា វា​ជា​កាតព្វកិច្ច​របស់​យើងខ្ញុំ​ដែល​ត្រូវ​រំលឹក​ឲ្យ​ដឹង​អំពី​តួនាទី​ជា​គម្រូ​ដែល​យើង​ត្រូវបំពេញ ជាពិសេស នៅក្នុង​ប្រទេសមួយ​ដែល​កំពុងអភិវឌ្ឍន៍​ដូចជា​ប្រទេស​កម្ពុជា​នេះ​។ យើងខ្ញុំ​ជឿជាក់ថា វា​ជា​ភារកិច្ច​របស់​យើងខ្ញុំ​ដែល​ត្រូវ​ចែករំលែក​ភាពជោគជ័យ​របស់​យើងខ្ញុំ និង​ប្រគល់ជូន​សហគមន៍​វិញ ដោយ​គិតគូរ​លើ​លក្ខណៈ​សំខាន់ៗ​ទាំងបី​នៃ​ការអភិវឌ្ឍ​ប្រកបដោយ​និ​រត្តរ​ភាព​។ យើងខ្ញុំ​ពិតជា​មាន​មោទនភាព​ចំពោះ​ការសម្រេចបាន​ជាក់ស្ដែង​របស់​យើងខ្ញុំ ក៏ដូចជា​មាន​មោទនភាព​ចំពោះ​ការប្ដេជ្ញា​របស់​ក្រុមការងារ​យើងខ្ញុំ​ក្នុងការ​អនុវត្ត និង​ធ្វើ​កិច្ចការ​ឲ្យ​បានល្អ​បំផុត​។



យើងខ្ញុំ​នឹង​បន្ត​ផ្ដោតទៅលើ​ចំណុច​សំខាន់ៗ​ជាក់ស្ដែង និង​ប្តេជ្ញា​ចូលប្រឡូក​ក្នុង​មុខព្រួញ​ជាច្រើន​ផ្សេងទៀត ដោយសារ​យើងខ្ញុំ​គិតគូរ​លើ​ការប្តេជ្ញា​របស់​យើងខ្ញុំ​ជា​ក្រុមហ៊ុន​មាន​ទំនួល​ខុសត្រូវ​សង្គម និង​ការពង្រឹង​សង្គម ដែលជា​វិនិយោគ​មួយ​ដ៏​សំខាន់ និង​ជា​យុទ្ធសាស្ត្រ ក្នុងការ​ធានា​ឲ្យ​បាន​នូវ​គុណវុឌ្ឍិ​ប្រកបដោយ​និ​រត្តរ​ភាព និង​អមដំណើរ​ដៃគូ​របស់​យើង​ឈានទៅរក​កំណើន​ក្នុង​កម្រិត​ខ្ពស់​មួយ​បន្តទៀត​៕











(អត្ថបទពាណិជ្ជកម្ម)





© រក្សាសិទ្ធិដោយ thmeythmey.com