កីឡាអន្តរជាតិ
អន្តរជាតិ
Lewin ធ្វើបាន hat-trick លើកទី២ ជួយ Everton ឡើងទៅវគ្គ១/៤ EFL Cup
× Dominic Calvert-Lewin ធ្វើបាន hat-trick ជាលើកទី២ហើយ សម្រាប់រដូវកាលនេះ បន្ទាប់ពីជួយ Everton យកឈ្នះ West Ham ៤-១ ដើម្បីបន្តទៅកាន់វគ្គ៨ក្រុមចុងក្រោយពានរង្វាន់ EFL Cup។
នាជំនួបវគ្គ១៦ក្រុម EFL Cup នៅរាត្រីថ្ងៃទី៣០ ខែកញ្ញា ខ្សែប្រយុទ្ធ Calvert-Lewin អាចស៊ុតបញ្ចូលទីដល់ទៅ៣គ្រាប់ម្នាក់ឯង និងជាលើកទី២ដែររូបគេធ្វើបាន hat-trick បន្ទាប់ពីសម្រេចបាននៅក្របខណ្ឌ Premier League ក្នុងសប្តាហ៍ទី២។ ៤គ្រាប់របស់ Everton ធ្វើបានដោយ Calvert-Lewin នៅនាទី ១១, ៧៨, ៨៤ និង Richarlison នៅនាទី៥៦ ចំណែក១គ្រាប់របស់ West Ham សម្រេចទីដោយ Robert Snodgrass នៅនាទី៤៦។
Calvert-Lewin បានបង្ហាញភាពលេចធ្លោយ៉ាងខ្លាំងនៅដើមរដូវកាលថ្មី ២០២០-២១នេះ ដោយជួយក្រុមលោក Carlo Ancelotti ឈ្នះទាំង៥ប្រកួតជាប់គ្នា ទាំងក្នុងលីគ និង EFL Cup។ មិនតែប៉ុណ្ណោះ ខ្សែប្រយុទ្ធសញ្ជាតិអង់គ្លេស វ័យ២៣ឆ្នាំរូបនេះ អាចស៊ុតបញ្ចូលទីបានដល់៨គ្រាប់ ក្នុងការបង្ហាញខ្លួន៥លើក និងធ្វើបាននោះធ្វើបាន hat-trick ២លើកផងដែរ។
លោក Ancelotti អ្នកចាត់ការទូទៅ Everton ក៏បានសាទរចំពោះទម្រង់លេងរបស់ Calvert-Lewin នេះដែរ ហើយថែមទាំងអះអាងថារូបគេសមនឹងទទួលបានការកោះហៅពីលោក Gareth Southgate ដើម្បីចូលក្រុមជម្រើសជាតិអង់គ្លេសជាលើកដំបូងទៀតផង។
«គាត់ [Lewin] កំពុងធ្វើការងារដ៏អស្ចារ្យក្នុងពេលបច្ចុប្បន្ននេះ»។ គាត់កំពុងស្ថិតនៅក្នុងពេលវេលាដ៏ល្អមួយក្នុងការរកគ្រាប់បាល់ដ៏ច្រើន។ គាត់សមជាខ្សែប្រយុទ្ធឆ្នើមរបស់អង់គ្លេស»។ នេះជាការសរសើរបស់គ្រូសញ្ជាតិអ៊ីតាលីទៅ Calvert-Lewin ដែលបានស៊ុតបាល់បញ្ចូលទី៣គ្រាប់នាការប្រកួតជាមួយ West Brom និងគ្រាប់ទី៥ នៅ Premier League។
សម្រាប់លទ្ធផលការប្រកួតគូដទៃក្នុងពានរង្វាន់ EFL Cup នេះ Manchester United បានយកឈ្នះ Brighton ៣-០ ឯ Manchester City ឈ្នះ Burnley ៣-០ ដូចគ្នា៕
Tag:
Dominic Calvert-Lewin
EFL Cup
© រក្សាសិទ្ធិដោយ thmeythmey.com