៩ខែឆ្នាំ២០២០នេះ កម្ពុជានាំចេញកសិផលបានជាង៥.៨ លានតោន

ជាតិ

៩ខែឆ្នាំ២០២០នេះ កម្ពុជានាំចេញកសិផលបានជាង៥.៨ លានតោន

01, Oct 2020 , 10:29 pm

រូបភាព

រូបភាពពីលោក វេង សាខុន

ដោយ:

ក្នុងរយៈពេល៩ខែ ឆ្នាំ២០២០ កម្ពុជាបាននាំចេញផលិតផលកសិកម្មជាង ៥.៨ លានតោន ទៅទីផ្សារអន្តរជាតិ។ នេះបើតាមលទ្ធផល នៃការនាំចេញកសិផល ដែលផ្សាព្វផ្សាយដោយរដ្ឋមន្ត្រីក្រសួងកសិកម្ម។

តាមលោក វេង សាខុន រដ្ឋមន្ត្រីក្រសួងកសិកម្ម ផលិតផលសំខាន់ៗ ដែលត្រូវបាននាំចេញរួមមាន អង្ករចំនួន ៤៨ម៉ឺនតោន, មានកំណើន ២២ភាគរយ ធៀបនឹងរយៈពេលដូចគ្នា និងបាននាំចេញទៅកាន់ ៦០ប្រទេស។ សម្រាប់ស្រូវ ចំនួន ១ លានតោន ថយចុះ ១៧ភាគរយ ធៀបនឹងរយៈពេលដូចគ្នា ដែលនាំចេញទៅប្រទេសវៀតណាម (ក្រៅផ្លូវការ)។

រីឯគ្រាប់ស្វាយចន្ទី មានចំនួន ២០ម៉ឺនតោន។ គ្រាប់ពោត មានចំនួន ១៩ម៉ឺនតោន។ ចេកស្រស់ មានចំនួន ២៣ម៉ឺនតោន។ ដោយឡែកក្រូចថ្លុង មានចំនួនជាង ១ម៉ឺន តោន។ ស្វាយស្រង់ និងដំណាប់ស្វាយ ជាង៦ម៉ឺនតោន។ ដំឡូងមីស្រស់ ចំណិតដំឡូងមីក្រៀម និងម្សៅដំឡូងមី សរុបជាង២លានតោន។ ម្រេច ចំនួន ៤ ពាន់តោន និងម្ទេសស្រស់ និងម្ទសក្រៀមជាង៥ម៉ឺនតោន។ ក្រៅពីនេះ កម្ពុជា ក៏បាននាំចេញផលិតផលបន្លែ ប្រមាណ ៨៧តោនដែរ ទៅកាន់ទីផ្សារប្រទេសបារាំង, ឆេក និងប្រទេសហូឡង់។ ទន្ទឹមនឹងនេះ កម្ពុជាក៏មានផលិតផលកសិកម្មជាច្រើនមុខ ដទៃទៀតត្រូវបាននាំចេញផងដែរ៕