៩ខែឆ្នាំនេះ អង្គរបានចំណូលជាង១៨លានដុល្លារដោយធ្លាក់ចុះ៧៥ ភាគរយ

ជាតិ

៩ខែឆ្នាំនេះ អង្គរបានចំណូលជាង១៨លានដុល្លារដោយធ្លាក់ចុះ៧៥ ភាគរយ

02, Oct 2020 , 7:59 am

រូបភាព

ដោយ: អ៊ុត រស្មី (Uth Raksmey)

ភ្នំពេញ៖ រយៈពេល៩ខែ ឆ្នាំ២០២០ រមណីយដ្ឋានអង្គររកចំណូលបានពី ជាង១៨ លានដុល្លារ ពីភ្ញៀវទេសចរបរចំនួន៣៩៦,២៤១ នាក់ ដែលបានទិញសំបុត្រចូលទស្សនារមណីយដ្ឋាននេះ។ ចំណូលនេះ ថយចុះ ៧៥,១៧ភាគរយ បើធៀបនឹងរយៈពេលដូចគ្នា ឆ្នាំ២០១៩។

បើតាមសេចក្ដីប្រកាសព័ត៌មានរបស់គ្រឹះស្ថានអង្គរ បើគិតតែក្នុងខែកញ្ញា ឆ្នាំ២០២០វិញ រមណីយដ្ឋានអង្គរ រកចំណូលបានជាង ១២ម៉ឺនដុល្លារ ពីភ្ញៀវទេសចរបរទេសជាង ២,៩៤៨នាក់។ ចំនូនភ្ញៀវទេសចរ ក្នុងខែ កញ្ញានេះ ថយចុះ ៩៧,៣៤ភាគរយ បើធៀបនឹងខែកញ្ញា ឆ្នាំ២០២០។

ជាមួយគ្នានេះ ប្រាសាទកោះកែរ រកចំណូលបានជិត ៩ម៉ឺនដុល្លារ ពីភ្ញៀវទេសចរបរទេស ចំនួន ៨,៩១៤នាក់ ខណៈក្នុងខែកញ្ញា រកចំណូលបាន ៩៧០ដុល្លារ ពីភ្ញៀវទេសចរបរទេស ជិត១០០នាក់។ ចំណូលដែលរកបានរយៈពេល៩ខែនេះ គ្រឹះស្ថានអង្គរ បានឧបត្ថម្ភដល់មន្ទីរពេទ្យគន្ធបុប្ផាកម្ពុជា ចំនួន ៧៩២,៤៨២ដុល្លារ៕