ភ្នំពេញ ថ្ងៃទី២៨ ខែកញ្ញា ឆ្នាំ២០២០៖ កម្មវិធីឈ្នះ ១ ម៉ឺនដុល្លាររាល់ថ្ងៃ ដ៏កំពុងពេញនិយមបំផុត របស់ក្រុមហ៊ុន សែលកាត បានផ្តល់រង្វាន់ដល់អតិថិជន មានសំណាងពីរនាក់ទៀតហើយ នៅក្នុងខែកញ្ញានេះ ដោយក្នុងនោះអតិថិជនម្នាក់ បានឈ្នះនូវរង្វាន់ ដែលមានទឹកប្រាក់រហូតដល់ទៅ ១០០.០០០ ដុល្លារឯណោះ។ លោក ពិត យូហេង ដែលជាអ្នកមានសំណាង បានឈ្នះរង្វាន់ដ៏សម្បើមអស្ចារ្យនេះ បានទទួលដំណឹងនូវការឈ្នះរបស់គាត់ នៅក្នុងកម្មវិធីចាប់រង្វាន់ផ្សាយផ្ទាល់របស់ សែលកាត ប្រចាំថ្ងៃ នៅថ្ងៃសៅរ៍ ទី១៩ ខែកញ្ញា ឆ្នាំ២០២០។
លោក ហេង គឺជាវិស្វករម្នាក់ ដែលរស់នៅក្នុងភូមិសំរោងទង ឃុំជើងព្រៃ ស្រុកបាធាយ ខេត្តកំពង់ចាម។ ក្នុងអំឡុងពេល នៃការចាប់រង្វាន់ផ្សាយផ្ទាល់នេះ លោក ហេង មានការភ្ញាក់ផ្អើលជាខ្លាំង នៅពេលដែលដឹងថារូបគាត់ គឺជាអ្នកឈ្នះទឹកប្រាក់ ១០ម៉ឺនដុល្លារ នៅក្នុងកម្មវិធីរបស់ក្រុមហ៊ុន សែលកាត។
លោក ហេង បានថ្លែងឱ្យដឹងថា៖«នេះគឺជាសុបិន ដែលបានក្លាយជាការពិតមែន។ ជាពិសេស នៅក្នុងគ្រាលំបាកនេះ វាបានធ្វើឱ្យគ្រួសារខ្ញុំ ក៏ដូចជារូបខ្ញុំផ្ទាល់ មានក្តីរំភើបឥតឧបមា។ ខ្ញុំសូមថ្លែងអំណរគុណចំពោះក្រុមហ៊ុន សែលកាត ព្រោះថានេះ គឺជាអារម្មណ៍ដ៏អស្ចារ្យខ្លាំងណាស់ ក្នុងការឈ្នះទឹកប្រាក់ដ៏ច្រើនសន្ធឹកសន្ធាប់បែបនេះ។ ខ្ញុំសូមអរគុណជាថ្មីម្តងទៀត»។
ចំណែកឯ លោក ជា សុខសានវិញ ក៏បានឈ្នះនូវរង្វាន់ទឹកប្រាក់ដ៏ច្រើនសម្បើម ចំនួន ៩០,០០០ ដុល្លារ នៅកម្មវិធីឈ្នះ ១ម៉ឺនដុល្លារ រាល់ថ្ងៃ នាថ្ងៃទី៩ ខែកញ្ញា ឆ្នាំ២០២០ កន្លងទៅនេះផងដែរ។ គាត់គឺជាបុគ្គលិកផ្នែកលក់ម្នាក់ ដែលរស់នៅក្នុងភូមិអណ្តូងពោធិ៍ សង្កាត់ កំពង់ប្រណាក ក្រុងព្រះវិហារ ខេត្តព្រះវិហារ។ ដើមឡើយ គាត់ក៏មិនជឿទេថា រូបគាត់មានសំណាងបានឈ្នះនូវរង្វាន់ដ៏អស្ចារ្យនេះ។ តែយ៉ាងណាក៏ដោយ បន្ទាប់ពីទទួលបានដំណឹងច្បាស់ហើយ គាត់ក៏បានថ្លែងអំណរគុណដល់ក្រុមហ៊ុន សែលកាត ចំពោះរង្វាន់ដែលមានទឹកប្រាក់ដ៏ច្រើនសម្បើមនេះ។
អ្នកឈ្នះទាំងពីរនាក់ បានទទួលនូវប្រាក់រង្វាន់របស់ពួកគាត់ពីក្រុមហ៊ុន សែលកាត ក្នុងពិធីប្រគល់រង្វាន់ដែលរៀបចំឡើងផ្ទាល់នៅឯគេហដ្ឋានរបស់ពួកគាត់តែម្តង។ ក្រុមហ៊ុន សែលកាត បានប្រគល់ប្រាក់រង្វាន់ជូនដល់លោក ពិត យូហេង នៅថ្ងៃទី ២៥ ខែកញ្ញា ឆ្នាំ ២០២០ និងប្រគល់ជូនលោក ជា សុខសាន នៅថ្ងៃច័ន្ទទី ១៤ ខែកញ្ញា ឆ្នាំ ២០២០។
លោក អៀន វ៉ាតសុន (Ian Watson) នាយកប្រតិបត្តិក្រុមហ៊ុន សែលកាត បានមានប្រសាសន៍ថា៖ «លោកពិតជារំភើបជាខ្លាំងចំពោះអ្នកឈ្នះទាំងពីរនាក់»។
“ក្រុមការងារ សែលកាត ទាំងមូល មានសេចក្តីសោមនស្សរីករាយបំផុត ដែលបានឃើញអតិថិជនស្មោះស្ម័គ្ររបស់យើង បានទទួលរង្វាន់ជាមួយទឹកមុខដ៏រីករាយឥតឧបមា បែបនេះ។ ការផ្តល់ជូនទៅកាន់សហគមន៍វិញ គឺជាគុណតម្លៃពិតប្រាកដ របស់ក្រុមហ៊ុនយើង។ វាពិតជាល្អប្រសើរណាស់ ដែលយើងអាចជួយគាំទ្រដល់អតិថិជន និងក្រុមគ្រួសាររបស់ពួកគាត់ ជាពិសេសនៅក្នុងគ្រាលំបាកនេះតែម្តង។"
កម្មវិធីឈ្នះ ១ម៉ឺនដុល្លារ រាល់ថ្ងៃរបស់ សែលកាត គឺជាប្រម៉ូសិនពិសេសមួយ ដែលអនុញ្ញាតឱ្យអតិថិជន សែលកាត មានឱកាសឈ្នះនូវទឹកប្រាក់ចំនួន ១០.០០០ ដុល្លារ ជារៀងរាល់ថ្ងៃ។ ប្រសិនបើមិនមានអ្នកឈ្នះទឹកប្រាក់ ១០.០០០ ដុល្លារ ប្រចាំថ្ងៃនោះទេ ទឹកប្រាក់នេះ នឹងត្រូវយកទៅបូកបញ្ចូលនៅថ្ងៃបន្ទាប់ ដែលនឹងបង្កើតបានជារង្វាន់មានទឹកប្រាក់យ៉ាងច្រើនសម្បើមអស្ចារ្យ។
ប្រសិនបើអ្នកមានបំណងចង់ចូលរួមលេងជាមួយកម្មវិធីឈ្នះរាល់ថ្ងៃនេះ សូមតេទៅកាន់លេខ 8888 ឬផ្ញើសារ “10K” ទៅកាន់លេខ 8888 បន្ទាប់មក អ្នកនឹងទទួលបាននូវលេខកូដចំនួន ៦ ខ្ទង់។ អ្នកឈ្នះនឹងត្រូវប្រកាសជូនជារៀងរាល់ថ្ងៃ នៅវេលាម៉ោង ៦ល្ងាច នៅលើប៉ុស្តិ៍យូធូបរបស់ក្រុមហ៊ុនសែលកាត៕
(អត្ថបទពាណិជ្ជកម្ម)