ក្រៅពី​ប្រាក់ខែ​មន្ត្រីរាជការ លោក សាវ៉ា​ត់ បាន​ចំណូល​បន្ថែម​ពី​ការចិញ្ចឹម​បង្កង ត្រី និង​កង្កែប​
ជាតិ
ក្រៅពី​ប្រាក់ខែ​មន្ត្រីរាជការ លោក សាវ៉ា​ត់ បាន​ចំណូល​បន្ថែម​ពី​ការចិញ្ចឹម​បង្កង ត្រី និង​កង្កែប​
03, Oct 2020 , 12:59 pm        
រូបភាព
​លោក នុត សាវ៉ា​ត់ ជា​មន្ត្រីរាជការ​មួយរូប ដែល​បាន​ឆ្លៀត​ចិញ្ចឹម​ត្រី កន្ធាយ បង្កង និង​កង្កែប ដើម្បី​រកប្រាក់​ចំណូល​ប​ន្ថែ​ម​នៅក្នុង​គ្រួសារ​។ មាន​ស្រុកកំណើត នៅ​ខេត្តតាកែវ លោក នុត សាវ៉ា​ត់ អះអាងថា លោក​ចាប់ផ្តើម​របរ​ចិញ្ចឹមសត្វ​នេះ មួយឆ្នាំ​កន្លះ​មកហើយ​។ របរ​បន្ថែម​ពី អាច​ផ្តល់​ចំណូល​ប្រមាណ​៦០០​ដុល្លារ ដល់​មន្ត្រី​រូបនេះ​។

 
​លោក នុត សាវ៉ា​ត់ ជាម​ន្ត្រី​នៅ​រដ្ឋបាល​ជលផល រាជធានី​ភ្នំពេញ​ផង និង​ជា​អ្នក​ចិញ្ចឹម​បង្កង ត្រី កន្ធាយ និង​កង្កែប​ផង​។ មាន​ស្រុកកំណើត​នៅ​ស្រុក​ព្រៃកប្បាស ខេត្តតាកែវ លោក សាវ៉ា​ត់ ទើប​ចាប់ផ្តើម​ការងារ​ចិញ្ចឹមសត្វ​នេះ ប្រមាណ​មួយឆ្នាំ​កន្លះ​ប៉ុណ្ណោះ នៅឯ​នៅ​ស្រុកកំណើត​។  
 


​មាន​បរិញ្ញាបត្រ​ផ្នែក​ជលផល និង​អនុបណ្ឌិត​ផ្នែក​អភិរក្ស​ជីវចម្រុះ លោក សាវ៉ា​ត់ ពន្យល់​ប្រាប់​សារព័ត៌មាន Thmetythmey25 ថា​៖« ខ្ញុំ​មាន​ជំនាញ​ជលផល​ហ្នឹង ហើយ​បានធ្វើការ​ជាមួយ​ផ្នែក​វារីវប្បកម្ម​ជាច្រើន​មកហើយ តែ​ពីមុន ខ្ញុំ​មិនមាន​ពេលវេលា​គ្រប់គ្រាន់​សម្រាប់ធ្វើ​វា​។ ម្យ៉ាង​ពីមុន មិនទាន់មាន​ប្រភពទឹក​គ្រប់គ្រាន់​។ ទើប​តែមាន​ការកាយ​ប្រឡាយទឹក​នៅក្បែរ​ផ្ទះ ធ្វើ​ឲ្យ​មានទឹក​ខួបប្រាំងខួបវស្សា ទើប​ខ្ញុំ​ចាប់យក​ឱកាស​នេះ​»​។ 
 
​ដោយសារ​ខ្លួន​ជា​មន្ត្រីរាជការ​ដែលមាន​ការងារ​ប្រចាំ​នៅ​រាជធានី​ភ្នំពេញ លោក នុត សា​វា់ត់ អាច​ឆ្លៀត​ទៅ​មើលថែ​ត្រី បង្កង កន្ធាយ និង​កង្កែប​ចិញ្ចឹម​របស់ខ្លួន​តែ​នៅ​ថ្ងៃ​ចុង​សប្តាហ៍​ប៉ុណ្ណោះ​។ រីឯ​ថ្ងៃ​ចន្ទ ដល់​សុក្រ គឺជា​ភារៈ​របស់​ក្រុមគ្រួសារ​នៅឯ​ស្រុកកំណើត​នោះ​។ ក្រៅពី​ការចិញ្ចឹម​សត្វ   លោក សាវ៉ា​ត់ ក៏​ជា​អ្នក​ចែកចាយ​នូវ​សម្ភារ​កសិកម្ម និង​ចំណី​សត្វ​មួយរូប​ផងដែរ​។ 
​ជា​មធ្យម លោក សាវ៉ា​ត់ អះអាងថា ខ្លួន​អាច​ទទួល​ចំណូល​ប្រមាណ ៦០០ ដុល្លារ​ក្នុង​មួយខែ ពី​របរ​ចិញ្ចឹមសត្វ​នេះ បន្ថែម​លើ​ការងារ​មន្ត្រីរាជការ​។​
 



​បើទោះបី​ការរៀន​ជំនាញ​ជលផល​ស្រាប់​ទៅហើយ ប៉ុន្តែ​ការអនុវត្ត​ចិញ្ចឹម​ជាក់ស្តែង មិនមែន​ជាង​រឿង​ងាយស្រួល​ប៉ុ​ន្មា​នោះទេ​។ នេះ​បើតាម​លោក នុត សាវ៉ា​ត់ ដែល​បាន​បន្តថា លោក​បាន​ចំណាយពេល​ច្រើន​ក្នុងការ​អា​សៀវភៅ និង​ស្រាវជ្រាវ​បន្ថែម​ពី​បច្ចេក​ចិញ្ចឹម​៕  
 





រូបភាពពីលោក នុត សាវ៉ាត់


លោក នុត សាវ៉ាត់ 

Tag:
 វារីវប្បកម្ម​
 ​បង្កង​
 ​ត្រី​
 ​កន្ធាយ​
 ​កង្កែប​
  នុត សាវ៉ា​ត់​
 ​តាកែវ​
© រក្សាសិទ្ធិដោយ thmeythmey.com