ជាតិ
បទសម្ភាសន៍
អ្នកស្រី ស្រ៊ាត មុំសុភា បើកហាងបន្លែសុវត្ថិភាព ដើម្បីទប់អាជីវកម្មទេសចរណ៍ដែលគាំងដោយសារកូវីដ-១៩
អ្នកស្រីស្រ៊ាត មុំសុភា
×![]()
ភ្នំពេញ៖ អ្នកស្រី ស្រ៊ាត មុំសុភា បានបើកហាងលក់បន្លែ ផ្លែឈើសុវត្ថិភាព ដែលកំពុងមានតម្រូវការខ្ពស់ ក្នុងអំឡុងវិបត្តិកូវីដ-១៩។ ក្នុងបទសម្ភាសជាមួយសារព័ត៌មានThmeyThmey25 អ្នកស្រី ស្រ៊ាត មុំសុភា បញ្ជាក់ថា ការបើកហាង«បន្លែសុវត្ថិភាពសុហ្វីយ៉ា» នៅក្នុងពេលជួបវិបត្តិកូវីដ-១៩នេះ គឺដើម្បីទប់អាជីវកម្មទេសចរណ៍របស់ខ្លួនដែលនៅទ្រឹង។ ទោះជាការបើកអាជីវកម្មថ្មីដោយចៃដន្យ ប៉ុន្តែសហគ្រិនរូបនេះ ក៏ស្រលាញ់វិស័យកសិកម្មផង និងចង់ចូលរួមលើកកម្ពស់ជីវភាពកសិករផង។
ដើម្បីជ្រាបកាន់ច្បាស់ សូមទស្សនាបទសម្ភាស រវាងកញ្ញា ខន ណារី អ្នកសារព័ត៌មានThmeyThmey25 ជាមួយអ្នកស្រី ស្រ៊ាត មុំសុភា ម្ចាស់ហាងបន្លែ-ផ្លែឈើសុវត្ថិភាពដូចតទៅ៖
ការបង្កើតអាជីវកម្មបន្លែសុវត្ថិភាពនេះ វាជារឿងចៃដន្យមួយ ក្នុងបរិបទកូវីដ-១៩។ មែនទែនទៅការជាការស្រលាញ់ផង និងចង់ចូលរួមគាំទ្រ ក៏ដូចជាជួយលើកកម្ពស់ជីវភាពកសិករកម្ពុជា ទើបជំរុញឲ្យអ្នកស្រីបើកហាងបន្លែសុវត្ថិភាពនេះឡើង។ នេះជាការបញ្ជាក់របស់អ្នកស្រី ស្រ៊ាត មុំសុភា ដែលបានបន្ថែមនៅក្នុងបទសម្ភាសជាមួយ Thmeythmey25 ដូច្នេះ៖« ទោះបីការចាប់ផ្ដើមអាជីវកម្មនេះ ដោយបញ្ហារាំងស្ទះក្នុងវិស័យទេសចរណ៍ តែដោយសារសម្លឹងឃើញឱកាសទីផ្សារកសិកម្មកម្ពុជា កំពុងដើរតួនាទីមួយសំខាន់ ម្យ៉ាងជាការលើកទឹកចិត្តកសិករ ឲ្យផលិតបន្លែ ផ្លែឈើសុវត្ថិភាព»។
ទោះជាហាងបន្លែសុវត្ថិភាពសុហ្វីយ៉ា ទើបតែបើកដំណើរការប្រមាណ៣ខែមែន ប៉ុន្តែសហគ្រិនរូបនេះមានសុទិដ្ឋិនិយមថា អាជីវកម្មបន្ថែសុវត្ថិភាពរបស់ខ្លួន នឹងក្លាយជាផ្នែកមួយ ជួយជំរុញខឿនសេដ្ឋកិច្ចជាតិ កាត់បន្ថយការធ្វើចំណាកស្រុក និងកាត់បន្ថយការនាំចូលកសិផលពីបរទេស។
បើតាម អ្នកស្រី មុំសុភា អតិថិជនអាចទិញ បន្លែ ផ្លែឈើ និងគ្រឿងទេសផ្សេងៗផ្ទាល់ដល់ទីកន្លែង និងការបញ្ជាទិញតាមអនឡាញ ពីហាងរបស់ខ្លួនបានយ៉ាងងាយស្រួល និងដោយជំនឿចិត្ត ព្រោះទំនិញដែលដាក់លក់បន្លែ ផ្លែឈើទាំងអស់ សុទ្ធតែត្រូវបានតាមដាន និងត្រួតពិនិត្យជាមុន មុននឹងដាក់លក់។
បើតាម អ្នកស្រី ស្រ៊ាត មុំសុភា ប្រភពផ្គត់ផ្គង់បន្លែ ផ្លែឈើនៅក្នុងហាងរបស់ខ្លួន គឺមកពីខេត្តមណ្ឌលគិរី កំពង់ចាម សៀមរាប បាត់ដំបង កំពង់ស្ពឺ កណ្ដាល និងបណ្តាខេត្តនានានៅទូទាំងប្រទេស៕
Tag:
កសិកម្ម
បន្លែ
សុវត្ថិភាព
សុហ្វីយ៉ា
© រក្សាសិទ្ធិដោយ thmeythmey.com
