COVID-19
អន្តរជាតិ
លោកនាយករដ្ឋមន្ត្រី Manasseh Sogavare ប្រាប់ពលរដ្ឋថា កោះសូឡូម៉ុងលែងមានសុវត្ថិភាពពី COVID19 ទៀតហើយ។ រូបថត RNZI
×![]()
ដោយ: សារព័ត៌មានថ្មីៗ
ទីបំផុតប្រជុំកោះសូឡូម៉ុន បានចូលក្នុងចំណោមប្រទេស/ដែនដី ដែលមានករណី COVID-19 ក្រោយរដ្ឋប៉ាស៊ីហ្វិកខាងត្បូងមួយនេះ រកឃើញវិជ្ជមានលើនិស្សិតបុរសម្នាក់ដែលទើបវិលត្រឡប់ពីហ្វីលីពីន។
យោងតាមស៊ីនហួរ និស្សិតដែលមានវិជ្ជមាននោះ បានទៅដល់អាកាសយានដ្ឋាន Honiara កាលពីថ្ងៃទី៣ ខែតុលា ជាមួយអ្នកដំណើរប្រមាណ៤០០នាក់ទៀត។ លោកនាយករដ្ឋមន្ត្រី Manasseh Sogavare បានថ្លែងទៅកាន់ប្រជាជាតិរបស់ខ្លួន កាលពីល្ងាចថ្ងៃសៅរ៍ថា ប្រទេសមិនមានសុវត្ថិភាពពីកូវីដ-១៩ ទៀតឡើយ។
កោះសូឡូម៉ុន ដែលជាសមាជិករដ្ឋ Commonwealth ក្រោមចក្រភពអង់គ្លេស ក្លាយជាប្រទេស/តំបន់ ទី២១៤ ដែលមានករណីឆ្លង COVID-19។ នេះបើតាមទិន្នន័យរបស់ worldometers។
គិតត្រឹមព្រឹកថ្ងៃអង្គារនេះ អ្នកឆ្លង COVID-19 លើពិភពលោក មានជិត ៣៥.៧លានករណី ក្នុងនោះស្លាប់ជាង១លាននាក់ និងសះស្បើយជិត២៧លាននាក់៕
© រក្សាសិទ្ធិដោយ thmeythmey.com
