COVID-19
ជាតិ
COVID-19៖ កម្ពុជារកឃើញ១ករណីបន្ថែមទៀត ខណៈស្ត្រីនៅបាត់ដំបងជាសះស្បើយ
× ក្រសួងសុខាភិបាលនៅព្រឹកថ្ងៃសុក្រ នេះ បានប្រកាសពីការរកឃើញករណីទី២៨២ នៃអ្នកជំងឺកូវីដ-១៩ នៅកម្ពុជា។ អ្នកជំងឺជាបុរសខ្មែរអាយុ២៩ឆ្នាំ ដែលទើបមកពីកូរ៉េខាងត្បូង នៅថ្ងៃទី៧ ខែតុលា ក្នុងចំណោមអ្នកដំណើរសរុប១២៨នាក់។ គាត់ត្រូវបានដាក់ឲ្យសម្រាកព្យាបាលនៅមន្ទីរពេទ្យខ្មែរសូវៀត រីឯអ្នកផ្សេងទៀត ស្ថិតក្នុងចត្តាឡីស័កនៅកន្លែងផ្សេងៗគ្នា។
ស្របពេលជាមួយគ្នា ក្រសួងបានបញ្ជាក់ពីករណីសះស្បើយរបស់ស្ត្រីខ្មែរដែលមកពីអាមេរិក។ គាត់ត្រូវបានអនុញ្ញាតឲ្យចេញពីមន្ទីរពេទ្យបង្អែកខេត្តបាត់ដំបង ក្រោយលទ្ធផលអវិជ្ជមាន២ដង។
បច្ចុប្បន្ន កម្ពុជាមានករណីកើត COVID-19 សរុប២៨២ករណី ក្នុងនោះ ២៧៧នាក់ បានជាសះស្បើយ។ អ្នកជំងឺដែលកំពុងសម្រាកព្យាបាលនៅឡើយនោះមាន បុរសហុងគ្រី និងបុរសបារាំងនៅសៀមរាប រីឯពេទ្យមិត្តភាពខ្មែរសូវៀត មានស្ត្រីឥណ្ឌា១រូប បុរសឥណ្ឌូណេស៊ី១រូប និងចុងក្រោយបុរសខ្មែរអាយុ២៩ឆ្នាំ៕
© រក្សាសិទ្ធិដោយ thmeythmey.com