ជាតិ
ក្រសួងបដិសេធការផ្សាយថា ជីរស្លឹកត្រចៀកជ្រូក ចេកណាំវ៉ាខ្ចី និងទឹកដូងខ្ចី អាចព្យាបាលគ្រុនឈីក
×![]()
ភ្នំពេញ៖ ក្រសួងសុខាភិបាល បានចេញសេចក្ដីប្រកាសព័ត៌មាន បដិសេធចំពោះគណនី ហ្វេសប៊ុក ឈ្មោះ Sen Sayana ដែលបានបង្ហោះពីការព្យាបាលជំងឺគ្រុនឈីក ដោយប្រើថ្នាំខ្មែរ រួមមាន ស្លឹកត្រចៀកជ្រូក ផ្លែចេកណាំវ៉ាខ្ចី និងទឹកដូងខ្ចី។ 
ទាក់ទងនឹងករណីដែលគណនេយ្យហ្វេសប៊ុក Sen Sayana បានផ្សាយពីថ្នាំខ្មែរព្យាបាលជំងឺគ្រុនឈីក ក្រសួងសុខាភិបាល បានសូមឱ្យអាជ្ញាធរមានសមត្ថកិច្ចចាត់វិធានការតាមផ្លូវច្បាប់ និងឱ្យម្ចាស់គណនីហ្វេសប៊ុក ឈ្មោះ Sen Sayana បញ្ឈប់ការផ្សព្វផ្សាយ ឬចែកចាយព័ត៌មាននេះ ព្រោះវាធ្វើឱ្យប៉ះពាល់ដល់សុខភាពធ្ងន់ធ្ងរ និងអាយុជីវិត។
ក្នុងសេចក្ដីប្រកាសព័ត៌មានរបស់ក្រសួងសុខាភិបាលបានបញ្ជាក់ថា ក្នុងករណីពលរដ្ឋ មានរោគសញ្ញាក្ដៅខ្លួនខ្លាំងភ្លាមៗ ដែលសង្ស័យថាមានជំងឺគ្រុនឈីក ត្រូវប្រញាប់នាំអ្នកជំងឺទៅរកសេវាព្យាបាលសាធារណៈ ដូចជាមណ្ឌលសុខភាព និងមន្ទីរពេទ្យរដ្ឋ ដែលនៅជិតបំផុត។
អ្នកជំងឺមិនត្រូវ សាកល្បងព្យាបាលដោយខ្លួនឯង ឬពន្យារពេលតាមដានព្យាបាលជំងឺក្នុងសេវាឯកជន ដែលគ្មានសមត្ថភាពផ្នែកជំងឺគ្រុនឈីកទេ៕
Tag:
គ្រុនឈីក
ក្រសួងសុខាភិបាល
© រក្សាសិទ្ធិដោយ thmeythmey.com
«ប្រេសិត»មានន័យដូចម្តេច?
5 ថ្ងៃ
