កាលពីថ្ងៃទី១០ ខែតុលា ឆ្នាំ២០២០ ព្រះនាងតូច នរោត្ដម ជេនណា ទ្រង់យាងមកកាន់ទីតាំងគម្រាង របស់ក្រុមហ៊ុន អ & អេហ្វ ប្រផឹធី (ខេមបូឌា) ដើម្បីចុះព្រះហស្ថលេខាជាផ្លូវការ ប្រកាសតែងតាំងជាព្រះរាជទូតសុឆន្ទៈ ប្រចាំក្រុមហ៊ុន អ & អេហ្វ ប្រផឹធី (ខេមបូឌា)។ នៅក្នុងពិធីនោះ ក៏មានការដាក់បង្ហាញនូវអាគារថី្មមួយ ដែលមាន ឈ្មោះថា MIRO ដែរ។
កម្មវិធីដ៏អស្ចារ្យនេះ មានភ្ញៀវកិត្តិយសចូលរួមយ៉ាងច្រើនកុះករ។ លោក Xu Wenshui អគ្គនាយកក្រុមហ៊ុន អ &អេហ្វ ប្រផឹធី (ខេមបូឌា) បានឲ្យដឹងថា ក្រុមហ៊ុន អ &អេហ្វ គ្រុប ត្រូវបានចុះបញ្ជីនៅក្នុងផ្សារហ៊ុនហុងកុង ក្នុងឆ្នាំ២០០៥ ហើយកិច្ចសហប្រតិបត្តិការជាមួយព្រះ នាងតូច នរោត្ដម ចេនណា បានធើ្វឱ្យប្រជាជនទីក្រុងភ្នំពេញ និងពិភពលោក ស្វែងយល់កាន់តែច្បាស់ អំពីផលិតផលថ្មីរបស់គម្រោង បុរី អ & អេហ្វ។
ព្រះនាងតូច នរោត្តម ជេនណា បានចុះព្រះហស្ថលេខា លើឯកសារកិច្ចសន្យាដោយផ្ទាល់ ជាមួយលោក Xu Wenshui ដែលជាអគ្គនាយក ក្រុមហ៊ុន អ &អេហ្វ។
ព្រមជាមួយគ្នា ក៏មានពិធីទម្លាក់ខ្សាច់មាស ដែលជានិមិត្តរូប នៃកិច្ចសហប្រតិបត្តិការយល់ព្រមជាផ្លូវការរវាង ព្រះនាងតូច នរោត្តម ជេនណា និងក្រុមហ៊ុន អ &អេហ្វ នាពេលអនាគត។ ព្រះនាងតូច នឹងបន្តចូលរួមនៅក្នុងគម្រោងនេះ ក្នុងនាមជារាជទូតសុឆន្ទៈ នៃក្រុមហ៊ុន អ &អេហ្វ ប្រផឹធី (ខេមបូឌា)។
ព្រះនាងតូច នរោត្តម ជេនណា មានទេពកោសល្យក្នុងការសម្តែង រាំ និងច្រៀង។ ព្រះនាងបានបកស្រាយចម្រៀងចំនួន ២ បទនៅលើឆាក ដែលបទទី១ ជាបទខ្មែរមានចំណងជើងថា «ភ្នំពេញ» និងបទទី២ ជាបទអង់គ្លេសមានចំណងជើងថា A Whole New World រួមជាមួយ និងការបង្ហាញនូវក្បាច់រាំដ៏អស្ចារ្យ គឺបទ Ice Cream របស់ក្រុម Blackpink ផងដែរ។
ក្នុងនោះក៏មានការប្រកួតផ្គុំរូប MIRO នៅក្នុងកម្មវិធីផងដែរ ជាមួយក្រុមព្រះនាងតូច និង ក្រុមតារារបស់យើង។
កម្មវិធីនេះ មានការចូលរួមពីសំណាក់តារាល្បីៗ ដូចជាកញ្ញា មីណា ដែលបានចូលរួមបកស្រាយបទចម្រៀង និងបង្ហាញក្បាច់រាំយ៉ាងទាក់ទាញ លើឆាកបង្កឲ្យបរិយាកាសកាន់តែរីករាយ។ កញ្ញា ជីមី ម៉េង, កញ្ញា ឌួង ម៉ានីច, លោក Rainnie Dara និងលោក ចា ដេត ក៏បានមកចូលរួមកម្មវិធី និងផ្សាយផ្ទាល់តាមរយៈ អ៊ីនធឺណិតទូទាំងពិភពលោក។
ក្រុមហ៊ុន អ &អេហ្វ ប្រផឹធី (ខេមបូឌា) បានប្តេជ្ញាចិត្តដើម្បីក្លាយជាក្រុមហ៊ុនអន្តរជាតិឈានមុខគេ ក្នុងវិស័យអចលនទ្រព្យ។ ក្រុមហ៊ុន អ &អេហ្វ បាននាំយកមកនូវផលិតផលអាផាតមិនដ៏ល្អប្រណិតមួយ ដែលមានទំហំប្រហែល ៣៨-៥០ ម៉ែត្រការ៉េ ក្នុងមួយបន្ទប់ ដែលមានឈ្មោះថាMIRO។
MIRO ប្តេជ្ញាកសាង “ប្រព័ន្ធជីវិតដ៏ស្រស់ស្អាតចំនួន 6” ដើម្បីបំពេញសម្រូវការរបស់អតិថិជនក្នុងការរស់នៅ និងប្រកបអាជីវកម្ម។ ក្នុងអាផាតមិន MIRO ត្រូវបានបំពាក់ដោយឧបករណ៍ផ្ទះឆ្លាតវៃគ្រប់ជ្រុង និងគ្រឿងបរិក្ខារស្តង់ស្តាខ្ពស់ ក្នងនោះមានដូចជា អាងហែលទឹក 270° SKYBAR, កន្លែងហាត់ប្រាណបែប Panoramic សួនច្បារនៅជាន់ខាងលើកំពូលអគារ និងការិយាល័យរួម ដែលមានទំហំ ៥០០ ម៉ែត្រការ៉េ មិនតែម៉ុណ្ណោះទេ អតិថិជនក៏អាចរីករាយជាមួយការ គយគន់ទេសភាពនៃទន្លេបាសាក់។
ដូច្នេះបើលោកអ្នកមានចង្អល់ ឬចង់សាកសួរព័ត៌មាន អំពីគម្រោងថ្មី MIRO សូមចូលទៅកាន់ផេកផ្លូវការរបស់ក្រុមហ៊ុន អ &អេហ្វ ប្រផឹធី (ខេមបូឌា) @R&F Properties Cambodia ឬទំនាក់ទនងលេខ៖ 018 888 2777 ៕
(អត្ថបទពាណិជ្ជកម្ម)