ក្រុមហ៊ុនផលិតថ្នាំ Pfizer បញ្ចូលកុមារក្នុងការសាកល្បងវ៉ាក់សាំង COVID-19

COVID-19

សង្គមអន្តរជាតិ

អន្តរជាតិ

ក្រុមហ៊ុនផលិតថ្នាំ Pfizer បញ្ចូលកុមារក្នុងការសាកល្បងវ៉ាក់សាំង COVID-19

14, Oct 2020 , 8:29 am

រូបភាព

ដោយ៖ កង ម៉េងហុង

ក្រុមហ៊ុនផលិតថ្នាំ Pfizer កំពុងពង្រីកសមាសភាពអ្នកចូលរួមក្នុងការសាកល្បងវ៉ាក់សាំង COVID-1 19 នៅដំណាក់កាលចុងក្រោយ ដោយរួមបញ្ចូលកុមារដែលអាយុ ១២ ឆ្នាំ។ ការបញ្ចូលកុមារក្នុងការសាកល្បងនេះ មានគោលបំណងដើម្បីស្វែងយល់កាន់តែច្បាស់អំពីសុវត្ថិភាព និងប្រសិទ្ធភាពនៃវ៉ាក់សាំងនៅតាមក្រុមអាយុកាន់តែច្រើន។

វ៉ាក់សាំង Pfizer-BioNTech ដែលផលិតដោយក្រុមហ៊ុនផលិតឱសថ Pfizer ជាបេក្ខជនឈានមុខគេមួយក្នុងចំណោមបេក្ខភាពវ៉ាក់សាំងទទួលភ្លើងបៃតងពីសហរដ្ឋអាមេរិក និងអឺរ៉ុប។ នៅថ្ងៃទី ១២ ខែតុលា ក្រុមហ៊ុន Pfizer បាននិយាយថា ខ្លួនទទួលការអនុញ្ញាតពីរដ្ឋបាលចំណីអាហារ និងឱសថអាមេរិកដើម្បីដាក់បញ្ចូលក្មេងជំទង់ចន្លោះពី១២ទៅ១៥ឆ្នាំនៅក្នុងការសិក្សាវ៉ាក់សាំង COVID-19 នៅទូទាំងពិភពលោក។

ពីដំបូង Pfizer ដែលមានមូលដ្ឋាននៅទីក្រុងញូវយ៉ក គ្រោងយកអ្នកចូលរួមសម្រាប់ការសាកល្បងវ៉ាក់សាំងត្រឹម៣០,០០០នាក់ប៉ុណ្ណោះ ប៉ុន្តែនៅក្នុងខែកញ្ញា បានពង្រីកចំនួនដល់ទៅ៤៤,០០០នាក់។ ការបង្កើនអ្នកចូលរួមនេះ ធ្វើឡើងដើម្បីជំរុញភាពចម្រុះនៅក្នុងចំណោមអ្នកដែលត្រូវសាកល្បង។ ក្មេងជំទង់អាយុ ១៦ ឆ្នាំក៏ដូចជាអ្នកជំងឺដែលមានការឆ្លងរ៉ាំរ៉ៃដូចជាជំងឺរលាកថ្លើមប្រភេទB ជំងឺរលាកថ្លើមប្រភេទC និងអេដស៍។

Pfizer បាននិយាយនៅលើគេហទំព័ររបស់ខ្លួនថា ទោះបីជាដំណើរការក្នុងការផលិតវ៉ាក់សាំងមានល្បឿនលឿនក៏ដោយ ប៉ុន្តែការរក្សាស្តង់ដារដែលមានគុណភាពខ្ពស់និងសុវត្ថិភាព មានសារៈសំខាន់ណាស់នៅក្នុងការអភិវឌ្ឍ។ ក្រុមហ៊ុននេះ ចាត់ទុកសុវត្ថិភាពរបស់អ្នកចូលរួម ជារឿងសំខាន់បំផុត ដូចគ្នានឹងការសាកល្បងទាំងអស់ដែលកំពុងអនុវត្តតាមច្បាប់ និងបទបញ្ជាទាំងឡាយដើម្បីធានាសុវត្ថិភាពអ្នកចូលរួម។

ប្រសិនបើទទួលបានការអនុញ្ញាតិពីច្បាប់ ក្រុមហ៊ុនរំពឹងថា នឹងផលិតវ៉ាក់សាំងសម្រាប់ផ្គត់ផ្គង់ជាសកលរហូតដល់ ១០០ លានដូសនៅចុងឆ្នាំ ២០២០ និងមានសក្តានុពលសម្រេចបានចំនួន ១,៣ ពាន់លានដូសនៅចុងឆ្នាំ ២០២១ ។

អគ្គនាយកអង្គការសុខភាពពិភពលោក (WHO) បាននិយាយកាលពីដើមខែនេះថា វ៉ាក់សាំងប្រឆាំង COVID-19 អាចនឹងត្រៀមរួចរាល់នៅចុងឆ្នាំនេះ។ មកទល់ពេលនជ វ៉ាក់សាំងដែលស្ថិតក្រោមការពិសោធចំនួនប្រាំបួន កំពុងស្ថិតនៅក្នុងបញ្ជីរបស់កម្មវិធី COVAX របស់ WHO ដែលត្រូវបានបង្កើតឡើងដើម្បីចែកចាយចំនួន ២ ពាន់លានដូសនៅចុងឆ្នាំ ២០២១ ។

គិតមកដល់ពេលនេះ ករណីឆ្លងសរុបបានកើនឡើងរហូតដល់ ៣៨,០៤០,១៤៨ ករណី ខណៈពេលមាន ២៨,៥៩៨,១៥១ ករណីបានជាសះស្បើយ ហើយមាន ១,០៨៥,៣៧៣ បានបានស្លាប់៕