ជាតិ
សង្គមជាតិ
ទឹកជំនន់៖ អាជ្ញាធរមីន ប្រាប់ពលរដ្ឋឲ្យបង្កើនការប្រុងប្រយ័ត្នលើគ្រាប់មិនទាន់ផ្ទុះ រូបពីទំព័រហ្វេសប៊ុករបស់អាជ្ញាធរមីន
× ភ្នំពេញ៖ អាជ្ញាធរមីន ណែនាំឲ្យអាជ្ញាធរពាក់ព័ន្ធនៅតាមមូលដ្ឋាននិងពលរដ្ឋចូលរួមផ្សព្វផ្សាយពីការប្រុងប្រយ័ត្នចំពោះគ្រប់មិនទាន់ផ្ទុះ ខណៈទឹកជំនន់កំពុងវាយប្រហារនៅតាមបណ្ដាខេត្ត។
នៅអំឡុងពេលកម្ពុជាមានភ្លៀងធ្លាក់ជាបន្តបន្ទាប់ មីននិងគ្រប់មិនទាន់ផ្ទុះមួយចំនួន ត្រូវបានគេប្រទេះឃើញនៅតំបន់ទឹកហូរច្រោះដី។ គ្រាប់ទាំងនោះ វាអាចបង្កឲ្យមានគ្រោះថ្នាក់ដល់ពលរដ្ឋជាយថាហេតុ ពិសេសពលរដ្ឋរស់នៅតំបន់សំណល់ជាតិផ្ទុះនៅសម័យសង្គ្រាម។
ដើម្បីទប់ស្កាត់គ្រោះថ្នាក់ដោយសារគ្រាប់ទាំងនេះ អាជ្ញាធរមីនបានចេញសេចក្ដីណែនាំឲ្យអាជ្ញាធរ អង្គការពាក់ព័ន្ធអស់ចូលរួម បង្កើនការប្រុងប្រយ័ត្ន និងផ្សព្វផ្សាយដល់ពលរដ្ឋតាមមូលដ្ឋាន។ លើសពីនេះ ពលរដ្ឋនិងសិស្សានុសិស្សទាំងអស់ ដែលប្រទះឃើញគ្រាប់មិនទាន់ផ្ទុះ ត្រូវរាយការណ៍ជាបន្ទាន់ ដល់អាជ្ញាធរភូមិ និងក្រុមអ្នកជំនាញសម្អាតមីន។
ទន្ទឹមនឹងនេះ អាជ្ញាធរត្រូវដាក់ស្លាកសញ្ញាសម្គាល់ជាបន្ទាន់ នៅតំបន់ដែលសង្ស័យថា មានមីនឬគ្រាប់មិនទាន់ផ្ទុះ ជៀសវាងគ្រាប់មិនទាន់ផ្ទុះហូរតាមទឹក ល្បាប់ដី និងទប់ស្កាត់ពលរដ្ឋមិនឲ្យចូលក្បែរតំបន់សង្ស័យ ។ អាជ្ញាធរត្រូវចុះទៅអប់រំដល់ពលរដ្ឋ ដែលកំពុងស្នាក់នៅបណ្ដោះអាសន្ននៅទីទួលសុវត្ថិភាពនានា ធ្វើយ៉ាងណាកុំឲ្យពលរដ្ឋរងគ្រោះដោយសារគ្រាប់ទាំងនោះ៕
© រក្សាសិទ្ធិដោយ thmeythmey.com