មិនខុសពីការប៉ាន់ស្មានទុកមុននោះទេ! ក្រុមហ៊ុនស្មាតហ្វូន vivo មិនសម្ងំស្ងៀម ហើយបើកដៃឲ្យដៃគូប្រកួតប្រជែងរបស់ខ្លួន ទៅណាដោយងាយស្រួលនោះទេ។ ក្រោយពីបានស្ងាត់ខ្លួនមួយរយៈពេលខ្លី នៃសមាជិកបងប្អូនត្រកូល V ស្រាប់តែពេលថ្មីៗនេះ ក៏បានលេចឮដំណឹងមកថា ក្រុមហ៊ុនស្មាតហ្វូន vivo ប្រចាំប្រទេសកម្ពុជា ត្រៀមនឹងបញ្ចេញនូវអាវុធថ្មីខ្លួន នៃស្មាតហ្វូនត្រកូល ម៉ូឌែល vivo V20Series ដើម្បីមកប្រកួតប្រជែង ជាមួយនឹងស្មាតហ្វូនដៃគូប្រកួតប្រជែង ដែលមានតម្លៃប្រហាក់ប្រហែលគ្នា។
យ៉ាងណាមិញ បើយោងទៅតាមការស្រាវជ្រាវ អំពីព័ត៌មានលម្អិតនៅក្រៅស្រុក ស្មាតហ្វូន vivo V20Series គឺជាស្មាតហ្វូន ដែលត្រូវបានរចនាមក មានកម្រាស់ស្តើងជាងគេ សម្រាប់ឆ្នាំ ២០២០នេះ។
វត្តមានស្មាតហ្វូនម៉ូឌែលចុងក្រោយបំផុត នៃគ្រួសារត្រកូលស្មាតហ្វូន vivo V series នេះ ពិតជាមានរូបរាងស្រស់ស្អាត និងស្តើងបំផុត មិនធ្លាប់មានពីមុនមកនោះទេ។ ក្រុមការងារផ្នែកឌីស្សាញ របស់ក្រុមហ៊ុនបច្ចេកវិទ្យា vivo បានផលិតស្មាតហ្វូននេះ ប្រកបដោយភាពទាក់ទាញ ស៊ីវិល័យ និងស្រស់សស្អាតបំផុត។ ពេលដែលលោកអ្នក បានកាន់ស្មាតហ្វូននេះ នៅក្នុងដៃ ហើយនោះ គឺមើលទៅពិតជាប្រណិតមែនទែន និងវាងាយក្នុងការប្រើប្រាស់។
ស្មាតហ្វូននេះ មិនត្រឹមតែមានការឌីស្សាញដ៏ល្អឥតខ្ចោះនោះទេ ប៉ុន្តែកម្រាស់របស់វា ពិតជាស្តើងមែនទែន។ ស្មាតហ្វូននេះ គឺមានកម្រាស់ស្តើងជាងបន្ទះនំភីស្សាថែមទៀត។ ស្មាតហ្វូន V20 នេះ មានកម្រាស់ស្តើងត្រឹមតែ 7.38mm ហើយវា គឺជាស្មាតហ្វូនដែលមានកម្រាស់ស្តើងបំផុត នៅក្នុងឆ្នាំ ២០២០នេះ ជាមួយនឹងទម្ងន់ត្រឹមតែ 171g ប៉ុណ្ណោះ។
នៅក្នុងការឌីស្សាញរូបរាងដ៏ស្តើង របស់ស្មាតហ្វូនត្រកូល V20 series នេះគឺមានការបំពាក់នូវបច្ចេកវិទ្យា cutting-edge ចុងក្រោយជាច្រើន របស់ក្រុមហ៊ុនបច្ចេកវិទ្យា vivo ដែលមានកាមេរ៉ាខាងមុខទំហំ 44MP Eye Autofocus Dual និងកាមេរ៉ាខាងក្រោយ ទំហំ 64MP ថែមទៀត។ ក្រុមហ៊ុនបច្ចេកវិទ្យា vivo ក៏អភិវឌ្ឍទៅលើការឌីស្សាញ នៃស្មាតហ្វូន Dual Tone Step នេះដើម្បីធ្វើពង្រឹងទៅលើភាពស្រស់ស្អាត និងភាពស្លីមរបស់វា។ ការឌីស្សាញស្មាតហ្វូននេះគឺជាការបញ្ចូលគ្នា នៃបច្ចេកវិទ្យាដ៏អស្ចារ្យប្រកបដោយភាពច្នៃប្រឌិតខ្ពស់ វិទ្យាសាស្ត្រប្រកបដោយសិល្បៈ និងបច្ចេកវិទ្យាដ៏ទំនើបថែមទៀត។
ក្រុមអ្នកឌីស្សាញរបស់ក្រុមហ៊ុនបច្ចេកវិទ្យា vivo យកចិត្តទុកដាក់បំផុត ទៅលើការប្រើប្រាស់ទៅលើពណ៌ ស្មាតហ្វូនត្រកូល V20 series នេះ។ ស្មាតហ្វូន V20 នេះគឺផ្តល់មកជាមួយនឹងជម្រើសពីរពណ៌ គឺ Midnight Jazz និង Sunset Melody ។
“Midnight Jazz” គឺជាពណ៌ដែលបង្ហាញអំពីតន្ត្រីប្រភេទ Jazz។ វាគឺមានការបញ្ចូលគ្នារវាងពណ៌ទឹកប្រាក់ និងពណ៌ខ្មៅ ដែលពិតជាល្អឥតខ្ចោះ ដែលបង្ហាញអំពីថាមពល និងភាពជឿជាក់។ សម្រាប់ពណ៌ “Sunset Melody” គឺបង្ហាញអំពីពណ៌របស់ព្រះអាទិត្យ នៅពេលដែលប៉ះនឹងសមុទ្រ ដែលមានពណ៌ពិតជាស្រស់បំព្រងមែនទែន។ វាបង្ហាញអំពីអារម្មណ៍ ប្រកបដោយសន្តិភាព និងស្រស់ថ្លារីករាយបំផុត។ វាពិតជាទាក់ទាញមែនទែន សម្រាប់ពណ៌ទាំងនេះ។
សម្រាប់ផ្នែកខាងមុខរបស់ស្មាតហ្វូន V20នេះ គឺមានភ្ជាប់ជាមួយនឹងអេក្រង់ប្រភេទ AG Matte Glass ដែលពិតជាប្រណិតបំផុត នៅពេលវាស្ថិតនៅក្នុងដៃរបស់លោកអ្នក។ វាក៏មានការការពារ ទៅលើការកោសឆ្កូតកាមេរ៉ាដែលបំពាក់លើស្មាតហ្វូននេះផងដែរ។ សម្រាប់កម្រាស់ស្តើង និងទម្ងន់ស្រាលរបស់ស្មាតហ្វូន V20 series រួមជាមួយ និងពណ៌ដ៏ទាក់ទាញបំផុតនោះ គឺពិតជាធ្វើឲ្យម៉ូឌែលនេះ ក្លាយជាជម្រើសដ៏ល្អបំផុត សម្រាប់អ្នកប្រើប្រាស់ ពិសេសគឺបច្ចេកវិទ្យាថ្មីៗតែម្តង។ ជាមួយនឹងការឌីស្សាញដ៏ល្អឥតខ្ចោះ ស្មាតហ្វូន V20 series របស់ក្រុមហ៊ុន Vivo នេះ ក៏ផ្តោតទៅលើការថតរូបដ៏ស្រស់ស្អាត គ្រប់ពេលវេលា និងគ្រប់ទីកន្លែងផងដែរ។
ក្រុមហ៊ុនបច្ចេកវិទ្យា vivo បានកំពុងតែផ្លាស់ប្តូរ ទៅលើវត្តមាននៃស្មាតហ្វូនរបស់ពួកគេ ជាមួយនឹងវត្តមានរបស់ស្មាតហ្វូន V20 series នេះ ដែលមានភាពស្រស់ស្អាត ទាំងការឌីស្សាញ និងទម្ងន់របស់វាថែមទៀត។ ស្មាតហ្វូននេះ ផ្តល់ឲ្យអ្នកប្រើប្រាស់នូវការពេញចិត្ត ដែលមិនអាចបំភ្លេចបាន៕
(អត្ថបទពាណិជ្ជកម្ម)