COVID-19
សង្គមអន្តរជាតិ
អន្តរជាតិ
លោក ឌូទើតេ ចង់ឲ្យប្រជាជនហ្វីលីពីនទាំងមូលចាក់វ៉ាក់សាំង COVID-19 រូបភាព Xinhua
×
ដោយ៖ កង ម៉េងហុង
ប្រធានាធិបតីហ្វីលីពីន លោក រ៉ូឌ្រីហ្គោ ឌូទើតេ បាននិយាយនៅថ្ងៃទី១៤ ខែតុលាថា រដ្ឋាភិបាលលោកមានលុយដើម្បីទិញវ៉ាក់សាំង COVID-19 ដើម្បីផ្ដល់ឲ្យក្រុមប្រជាជនដែលមានអាទិភាព។ សម្រាប់លោក ប៉ុណ្ណេះមិនទាន់គ្រប់ឡើយ ព្រោះលោកចង់បានលុយកាន់តែច្រើនទៀត ដើម្បីឲ្យប្រជាជនហ្វីលីពីនទាំងមូលទទួលបានការចាក់ថ្នាំបង្ការតែម្ដង។
ទីភ្នាក់ងារព័ត៌មាន Reuters ផ្សាយថា រដ្ឋាភិបាលរបស់លោក រ៉ូឌ្រីហ្គោ ឌូទើតេ មានបំណងផ្តល់ជូនការចាក់វ៉ាក់សាំងប្រឆាំង COVID-19 ដល់ប្រជាជនហ្វីលីពីនទាំងអស់ដែលបច្ចុប្បន្នមានចំនួនប្រហែល ១១៣ លាននាក់។ ប៉ុន្តែអាទិភាពនឹងត្រូវបានផ្តល់ដល់ជនក្រីក្រ ប៉ូលិស និងបុគ្គលិកយោធា។
ក្នុងសុន្ទរកថាមួយតាមទូរទស្សន៍ លោក ឌូទើតេ បានបញ្ជាក់យ៉ាងច្បាស់ថា៖« ប្រជាជនទាំងអស់គួរតែទទួលបានការចាក់វ៉ាក់សាំង ដោយគ្មានករណីលើកលែងឡើយ»។ មេដឹកនាំហ្វីលីពីរូបនេះ ក៏បានបញ្ជាក់ជាថ្មីថា លោកជ្រើសរើសការផ្គត់ផ្គង់វ៉ាក់សាំងរបស់រុស្ស៊ី ឬក៏ចិន។ កន្លងទៅ ប្រទេសទាំងពីរនេះបានដាក់ពាក្យស្នើសុំធ្វើតេស្តវ៉ាក់សាំងរបស់ពួកគេនៅហ្វីលីពីន។
ក្រៅពីវ៉ាក់សាំងរបស់ចិន និងរុស្ស៊ី ហ្វីលីពីនក៏កំពុងវាយតម្លៃពាក្យសុំរបស់ក្រុមហ៊ុន Johnson & Johnson's ដើម្បីសាកល្បងវ៉ាក់សាំងដំណាក់កាលទី ៣។ ជាមួយគ្នានេះ ហ្វីលីពីន ក៏កំពុងពិភាក្សាជាមួយអ្នកផ្គត់ផ្គង់វ៉ាក់សាំងដែលមានសក្តានុពលផ្សេងទៀតរួមមានក្រុមហ៊ុនផលិតថ្នាំអាមេរិក Pfizer និង Moderna ផងដែរ។
ហ្វីលីពីនមានការឆ្លង COVID-19 ថ្មីចំនួន ១,៩១០ ករណីនៅថ្ងៃទី ១៤ ខែតុលានិងមានអ្នកស្លាប់ចំនួន ៧៨ នាក់ទៀតដែលធ្វើ=jyចំនួនសរុបនៅក្នុងប្រទេសnVមានចំនួន ៣៤៦,៥៣៦ ករណីដែលជាតួលេខខ្ពស់បំផុតនៅអាស៊ីអាគ្នេយ៍ និងមានអ្នកស្លាប់ ៦,៤៤៩ នាក់។
គួរបញ្ជាក់ថា ហ្វីលីពីនបានបើកដំណើរការជាបណ្តើរៗនូវសេដ្ឋកិច្ចដើម្បីអនុញ្ញាតឱ្យអាជីវកម្មកាន់តែច្រើនចាប់ផ្តើមប្រតិបត្តិការឡើងវិញដែរ ហើយមនុស្សកាន់តែច្រើនត្រឡប់ទៅធ្វើការដូចគ្នា។ ប៉ុន្តែការរឹតត្បិតមួយផ្នែកនៅក្នុងនិងជុំវិញរដ្ឋធានីម៉ានីល នៅតែរក្សាការដើម្បីការពារការរីករាលដាលជំងឺថ្មីមួយនេះ៕
Tag:
ហ្វីលីពីន
រ៉ូឌ្រីហ្គោ ឌូទើតេ
COVID-19
© រក្សាសិទ្ធិដោយ thmeythmey.com