ជាតិ
សង្គមជាតិ
រូបភាពពីក្រសួងធនធានទឹក និងឧតុនិយម
×![]()
ដោយ: ផាត ដាណេ
ភ្នំពេញ៖ គិតត្រឹមព្រឹកថ្ងៃទី១៦ ខែតុលា ឆ្នាំ២០២០ ទឹកជំនន់តាមដងស្ទឹងព្រែកត្នោតមានការស្រកចុះប្រមាណ០.០៧ម៉ែត្រ ដែលកម្ពស់ទឹកនៅលើសំណង់បង្ហៀរនៅត្រឹម៦,៦០លើបង្ហៀរ។ នេះតាមសេចក្ដីជូនដំណឹងពីក្រសួងធនធានទឹក និងឧតុនិយម។
ទឹកជំនន់នៅតាមដងស្ទឹងព្រែកត្នោត ចាប់ពីវត្តសាក់សំពៅ ទៅដល់ស្ពានព្រែកជ្រៃ មានការស្រកចុះប្រមាណ ០,៧ម៉ែត្រ។ ចំណែកឯ ទឹកជំនន់នៅទំនប់៧មករា ទៅដល់ស្ពានសាក់សំពៅ មានការស្រកទឹកយឺតប្រមាណ ០,០៤ម៉ែត្រប៉ុណ្ណោះ ព្រោះការសាងសងស្ពានកាត់ស្ទឹង។ នេះបើតាមការជូនដំណឹងពីក្រសួងធនធានទឹក ដដែល។
ក្នុងនោះដែរ នៅតាមដងស្ទឹងព្រែកត្នោតក៏មានក្រុមការងារចុះតាមដាន ហើយភ្លឺទំនប់ខាងលើវត្តសាក់សំពៅប្រវែង៥០០ម៉ែត្រ ក៏បានចាក់ដីបន្ថែម និងផ្នែកខាងលើនៃទំនប់៧មករា ក៏បានតម្លើងកម្ពស់បន្ថែមផងដែរ។ ក្រុមការងារក៏បាន រៀបបាវខ្សាច់នៅមុខរោងចក្រ បិទរូងនាគនៅតាមតួទំនប់ និងបានបិទបំពង់ស្ថាននីយបូមទឹកចូលសង្កាត់ក្រាំពង្រផងដែរ៕
© រក្សាសិទ្ធិដោយ thmeythmey.com
