ជាតិ
ផលនេសាទសមុទ្រមានជាង ៨.៨ម៉ឺនតោន នៅ៩ខែក្នុងឆ្នាំ២០២០ រូបភាពពីក្រសួងកសិកម្ម រុក្ខាប្រមាញ់ និងនេសាទ
× ភ្នំពេញ៖ រយៈពេល៩ខែឆ្នាំ២០២០ ការនេសាទទឹកប្រៃអនុវត្តបានចំនួន ៨៨ ៣៣០តោន ស្មើនឹង៨០,៣០ភាគរយ នៃផែនការសរុបចំនួន១១ម៉ឺនតោន។ បើតាមរបាយការណ៍រយៈពេល៩ខែរបស់ក្រសួងកសិកម្ម រុក្ខាប្រមាញ់ និងនេសាទ ដែលបន្តបញ្ជាក់ថា ការអនុវត្តការនេសាទសមុទ្រនេះ កើនឡើងជាង៣ពាន់តោន ធៀបនឹងឆ្នាំ២០១៩។
របាយការណ៍ដដែល ក៏បានឲ្យដឹងពីការកែច្នៃផលនេសាទសមុទ្រ នៅក្នុងរយៈពេល៩ខែឆ្នាំ២០២០នេះដែរ។ ផលនេសាទទឹកប្រៃ ដែលត្រូវបានកែច្នៃមានចំនួន ៨,៤៩០ តោន ស្មើនឹង៩៤,៣៣ភាគរយ នៃផែនការសរុប ពោលគឺកើនឡើងតែចំនួន១០តោនប៉ុណ្ណោះ ធៀបនឹងឆ្នាំ២០១៩៕
© រក្សាសិទ្ធិដោយ thmeythmey.com