COVID-19
ជាតិ
សង្គមជាតិ
×![]()
ភ្នំពេញ៖ ក្រសួងសុខាភិបាលនាថ្ងៃទី២១ ខែតុលានេះ បានប្រកាសពីករណីកើតកូវីដ-១៩មួយទៀតនៅកម្ពុជាដែលជាបុរសជនជាតិប៉ូឡូញអាយុ៤៧ឆ្នាំ។ គាត់បានធ្វើដំណើរមកពីប្រទេសប៉ូឡូញ ហើយមកដល់កម្ពុជានៅថ្ងៃទី១៩ ខែតុលា ហើយក្លាយជាករណីទី២៨៦នៅកម្ពុជា។ គិតត្រឹមថ្ងៃនេះដែរ ពិភពលោកទាំងមូលឡើងដល់ជាង៤១លានករណីក្នុងនោះស្លាប់ជាង១.១២លាននាក់ និងសះស្បើយជាង៣០លាននាក់។
បុរសជនជាតិប៉ូឡូញនោះមានអាសយដ្ឋានស្នាក់នៅបណ្តោះអាសន្ននៅសណ្ឋាគារមួយក្នុងក្រុងព្រះសីហនុ។ អ្នករួមដំណើរក្នុងជើងយន្តហោះជាមួយនឹងបុរសជនជាតិប៉ូឡូញនោះមានចំនួន៥៣នាក់ដែលបានធ្វើតេស្តអវិជ្ជមាន ហើយកំពុងតែត្រូវបានដាក់ចត្តាឡីស័កនៅសណ្ឋាគារមួយក្នុងរាជធានីភ្នំពេញ និងមណ្ឌលកងទ័ពជើងអាកាស។
គិតត្រឹមថ្ងៃទី២១ ខែតុលានេះ កម្ពុជាមានកូវីដ-១៩ សរុប២៨៦ករណី ដោយសះស្បើយ២៨០នាក់។ អ្នកជំងឺឡើងដល់៦នាក់ កំពុងសម្រាកព្យាបាលនៅមន្ទីរពេទ្យមិត្តភាពខ្មែរសូវៀតក្នុងនោះមានប្តីប្រពន្ធខ្មែរដែលទើបមកពីអ៊ីរ៉ាក់ ហើយ៤នាក់ទៀតជាបុរសខ្មែរ បុរសឥណ្ឌូណេស៊ី បុរសជនជាតិប៉ូឡូញ និងស្ត្រីបារាំង។
ក្នុងចំណោមករណីឆ្លងជាង៤១លានករណីលើពិភពលោក សហរដ្ឋអាមេរិកឡើងដល់ទៅជាង៨.៥លាននាក់ ឥណ្ឌាជាង៧.៦លាននាក់ ប្រេស៊ីលជាង៥.២លាននាក់ រុស្ស៊ីជាង១.៤លាននាក់ អេស្ប៉ាញ និងអាហ្សង់ទីន ជាង១លាននាក់រៀងៗខ្លួន៕
Tag:
កូវីដ-១៩
© រក្សាសិទ្ធិដោយ thmeythmey.com
«ប្រេសិត»មានន័យដូចម្តេច?
4 ថ្ងៃ
