ជាតិ
ទឹកនៅម្ដុំកួរស្រូវ៣ ខណ្ឌដង្កោ បន្តថមថយ ហើយពលរដ្ឋអាចចូលទៅរស់នៅក្នុងគេហដ្ឋានវិញ
× ភ្នំពេញ៖ ស្ថានភាពទឹកនៅម្ដុំកួរស្រូវ៣ សង្កាត់រលួស ខណ្ឌដង្កោ រាជធានីភ្នំពេញ បន្តថមថយហើយ នៅព្រឹកថ្ងៃទី២២ តុលា។ ពលរដ្ឋរស់នៅតំបន់នោះ អាចចូលទៅរស់នៅក្នុងគេហដ្ឋានជាបណ្ដើរៗវិញហើយ។
បើតាមសេចក្តីរាយការណ៍របស់អ្នកសារព័ត៌មានថ្មីៗ ស្ថានភាពទឹកនៅទីនោះ មានសភាពស្រកចុះ ទៅតាមកន្លែងនីមួយៗ ដោយកន្លែងខ្លះ ទឹកស្រកចុះមកត្រឹម កជើង ហើយកន្លែងខ្លះទៀត ទឹកនៅត្រឹមក្រោមក្បាលជង្គង់។ ចំណែកផ្លូវជាតិលេខ១០៤ អាចធ្វើដំណើរបានវិញជាធម្មតា។ ចំណែកផ្លូវលេខ២១៧ អាចធ្វើដំណើរបាន សម្រាប់អ្នកប្រើប្រាស់រថយន្ត ខណៈម៉ូតូនៅមានការលំបាក ដោយសារទឹកនៅកន្លែងខ្លះ នៅមានសភាពជន់ជោរនៅឡើយ។
សូមទស្សនាវីដេអូ ដែលកញ្ញា ឡាយ សុភាវតី ធ្វើសេចក្តីរាយការណ៍ នៅម្ដុំកួរស្រូវ៖
© រក្សាសិទ្ធិដោយ thmeythmey.com