កំណាព្យ
ជាតិ
×
កំណាព្យ ប៉ាកកាខ្មៅ បទ ព្រហ្មគីតិ
Digital សម័យ យុគក្នុងដៃមានមិនខ្វះ
លោតលឿនឲ្យតែប៉ះ សម្បូរណាស់រឿងប្លែកៗ។
ទាំងឃ្លីបវីដេអូ រឿងខ្លះកូរនាំក្មេងបែក
ឌឺដៀលឈ្លោះប្រកែក កកាយហែកកេរ្តិ៍ម៉ែឪ។
ផឹកស៊ីសើចសប្បាយ នាំគ្នា Live រឿងអាស្រូវ
ឥតគិតធ្វើរឿងត្រូវ បង្ហាញផ្លូវហៅក្មេងដើរ។
ឥតក្រែងសម្ញែងទ្រព្យ អួតអាងភ័ព្វភពគ្រាន់បើ
ព្រោះតែពាក្យសរសើរ ខ្លះប្រឹងដើរអួតសាច់ខ្ចី។
អាណិតក្មេងៗខ្លះ ប្រឹងត្រាប់ចាស់ឥតដឹងអ្វី
ភ្លេចខ្លួននៅក្មេងខ្ចី រៀបឫកហីអួតសាច់ដែរ។
បង្ហាញតាម Online មានបណ្តាញshare ហូរហែ
ហមហានអួតកេរ្តិ៍ម៉ែ គួរណាស់តែរួមប្រយ័ត្ន៕
© រក្សាសិទ្ធិដោយ thmeythmey.com